ഇൻഡോർ-മോ ഡെമു ട്രെയിനിൻ്റെ ലോക്കോ പൈലറ്റ് ട്രാക്കിന് സമീപത്തുള്ള ഒരു കടയിൽ നിന്ന് സമൂസ വാങ്ങാൻ നിർത്തുന്നതിൻ്റെ വീഡിയോ ആണിത്. നിർത്തിയിട്ടിരുന്ന ട്രെയിനിൽ നിന്നുമിറങ്ങി സമൂസ വാങ്ങി മടങ്ങുന്നതാണ് ദൃശ്യങ്ങളിൽ. ട്രെയിൻ നിർത്തിയത് കണ്ട ആൾക്കൂട്ടം സംഭവത്തിൻ്റെ ദൃശ്യങ്ങൾ പകർത്തുന്നുമുണ്ട്. വീഡിയോ വൈറലായതിനെ തുടർന്ന് റെയിൽവേ അന്വേഷണത്തിന് ഉത്തരവിട്ടു. പലയിടത്തും ഇത്തരത്തിൽ എൻജിൻ ഡ്രൈവർമാർ വിവാദത്തിൽപ്പെടാറുണ്ട്. കേരളത്തിലും സമാന രീതിയിലുള്ള സംഭവം നേരത്തെയുണ്ടായിരുന്നു.
