13 December 2024
ABDUL BASITH
ലോക ചെസ് ചാമ്പ്യൻഷിപ്പിൽ കിരീടം നേടി 18 വയസുകാരനായ ഇന്ത്യൻ ഗ്രാൻഡ് മാസ്റ്റർ ഗുകേഷ് ദൊമ്മരാജു എന്ന ഡി ഗുകേഷ് ചരിത്രം സൃഷ്ടിച്ചിരിക്കുകയാണ്.
Image Courtesy - PTI
എക്കാലത്തെയും ഏറ്റവും പ്രായം കുറഞ്ഞ ലോക ചെസ് ചാമ്പ്യനെന്ന റെക്കോർഡ് ഈ കിരീടനേട്ടത്തോടെ ഇന്ന് ഗുകേഷ് സ്വന്തമാക്കിയിരുന്നു.
ചൈനയുടെ ഡിങ് ലിറനെ തോല്പിച്ചാണ് ഗുകേഷിൻ്റെ നേട്ടം. സമനിലയിലേക്ക് നീങ്ങുകയായിരുന്ന മത്സരം ലിറൻ്റെ ഒരു പിഴവിൽ നിന്ന് ഗുകേഷ് സ്വന്തമാക്കി.
2022 ഫിഡെ ചെസ് ഒളിമ്പ്യാഡ് ടീമിനത്തിൽ വെങ്കലവും വ്യക്തിഗത ഇനത്തിൽ സ്വർണവും നേടിയ ഗുകേഷ് ആ സമയത്ത് തന്നെ രാജ്യാന്തര തലത്തിൽ ശ്രദ്ധേയനായിരുന്നു
ഇക്കൊല്ലം ഏപ്രിലിൽ നടന്ന കാൻഡിഡേറ്റ്സ് ടൂർണമെൻ്റിൽ ജേതാവായ ഗുകേഷ് ആ നേട്ടത്തിലെത്തുന്ന ഏറ്റവും പ്രായം കുറഞ്ഞ താരമായിരുന്നു.
ഈ വർഷം സെപ്തംബറിൽ നടന്ന ചെസ് ഒളിമ്പ്യാഡിൽ ഇന്ത്യൻ ടീമാണ് ഗോൾഡ് മെഡൽ സ്വന്തമാക്കിയത്. ഈ ടീമിൽ ഗുകേഷും ഉൾപ്പെട്ടിരുന്നു.
2006 മെയ് 29ന് തമിഴ്നാട്ടിലെ ചെന്നൈയിലാണ് ഗുകേഷ് ജനിച്ചത്. 2019ൽ ഗ്രാൻഡ് മാസ്റ്റർ പദവി നേടി. നിലവിൽ ലോക അഞ്ചാം നമ്പർ താരമാണ് ഗുകേഷ്.
Next : ടെസ്റ്റ് ശരാശരിയിൽ രോഹിതിന് നാണക്കേട്