19 September 2026
AMAL KV
Photo Credit: Hyundai Website
മത്സരം കടുത്ത് വരുന്ന കോംപാക്ട് എസ്. യു. വി സെഗ്മെന്റിൽ പുതിയൊരു താരോദയം കൂടി.
ഹ്യുണ്ടായി ആണ് പുതിയ കോംപാക്ട് എസ്. യു. വി മോഡലുമായി വിപണിയിലേക്ക് എത്തുന്നത്.
ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുന്ന പുതിയ എസ്. യു. വിക്ക് ബയോൺ എന്നാണ് പേര് നൽകിയിരിക്കുന്നത്.
നിലവിൽ വിപണിയിലുള്ള വെന്യുവിനും ക്രെറ്റയ്ക്കും ഇടയിലാകും പുതിയ ബയോണിന്റെ സ്ഥാനം വരിക.
ഹ്യുണ്ടായിയുടെ തനതായ ഡിസൈൻ പാരമ്പര്യത്തിൽ എത്തുന്ന ഈ വാഹനം ഇന്ത്യൻ ജനതയെ ആകർഷിക്കുമെന്നാണ് കമ്പനിയുടെ പ്രതീക്ഷ.
പെട്രോൾ, സിഎൻജി എൻജിൻ ഓപ്ഷനുകളിൽ ബയോൺ ലഭ്യമാകും എന്നാണ് നിലവിലെ സൂചന.
പരമ്പരാഗതമായി എസ്.യു.വി ബോക്സി രൂപത്തിന് വിഭിന്നമായി ക്രോസ്ഓവർ ശൈലിയിലുള്ള ഡിസൈനാകും വാഹനത്തിന്.
നിലവിൽ ക്രെറ്റയിൽ ഉപയോഗിക്കുന്ന 1.5 ലിറ്റർ നാചുറലി ആസ്പിരേറ്റഡ് പ്രെട്രോൾ എൻജിനാണ് ബയോണിൽ ഉൾപ്പെടുത്തുക എന്നാണ് റിപ്പോർട്ട്.