ചക്കക്കുരു മാങ്ങാകറി കഴിച്ചിട്ടുണ്ടോ? എളുപ്പത്തിൽ തയ്യാറാക്കാം

ചക്കക്കുരു - നീളത്തിൽ കീറിയത്, പച്ചമാങ്ങ - കഷ്ണങ്ങളാക്കിയത്, തേങ്ങ ചിരകിയത് - 1 കപ്പ്, പച്ചമുളക് - 3-4 എണ്ണം, മഞ്ഞൾപ്പൊടി - 1/2 ടീസ്പൂൺ

ചക്കക്കുരു ആവശ്യത്തിന് വെള്ളവും ഉപ്പും മഞ്ഞൾപ്പൊടിയും പച്ചമുളകും ചേർത്ത് വേവിക്കാൻ വെക്കുക. പകുതി വേവാകുമ്പോൾ പച്ചമാങ്ങ ചേർക്കുക.

ചക്കക്കുരുവും മാങ്ങയും നന്നായി വെന്തു കഴിയുമ്പോൾ തേങ്ങ, ജീരകം, ഒന്നോ രണ്ടോ ചെറിയ ഉള്ളി, മഞ്ഞൾപ്പൊടി എന്നിവയുടെ അരപ്പ് ചേർക്കുക.

കുറഞ്ഞ തീയിൽ ചെറുതായി തിളപ്പിക്കുക. പാകത്തിന് ഉപ്പും നോക്കുക. ഒരു ചെറിയ പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക.