17 March 2026
Aswathy Balachandran
Image Courtesy: Getty
എല്ലാവരും ഒരേപോലെ തല കഴുകേണ്ടതില്ല. മുടിയുടെ കട്ടി, സ്വഭാവംഎന്നിവ പരിഗണിച്ചു വേണം ഇത് നിശ്ചയിക്കാൻ.
എണ്ണമയമുള്ള തലയോട്ടിയാണെങ്കിൽ ദിവസവും കഴുകാം. എന്നാൽ വരണ്ട മുടിയുള്ളവർ ദിവസവും കഴുകുന്നത് ഒഴിവാക്കണം
നേർത്ത മുടിയുള്ളവർ രണ്ട് ദിവസത്തിലൊരിക്കലും, കട്ടിയുള്ള ചുരുളൻ മുടിയുള്ളവർ രണ്ടാഴ്ചയിലൊരിക്കലും തല കഴുകിയാൽ മതിയാകും.
ദിവസവും വ്യായാമം ചെയ്യുന്നവരോ, ഈർപ്പമുള്ള കാലാവസ്ഥയിൽ ജോലി ചെയ്യുന്നവരോ ആണെങ്കിൽ വിയർപ്പും അഴുക്കും നീക്കാൻ കൂടുതൽ തവണ തല കഴുകേണ്ടി വരും.
ഷാംപൂ എപ്പോഴും സൾഫേറ്റ് രഹിതമായത് തിരഞ്ഞെടുക്കുക. ഷാംപൂ തലയോട്ടിയിലും മുടിയുടെ വേരുകളിലും മാത്രം തേക്കുക.
ഷാംപൂവിന് ശേഷം കണ്ടീഷണർ ഉപയോഗിക്കുമ്പോൾ അത് തലയോട്ടിയിൽ തേക്കാതെ മുടിയുടെ അറ്റത്ത് മാത്രം തേക്കാൻ ശ്രദ്ധിക്കുക.
പ്രായമാകുമ്പോൾ ശരീരത്തിൽ സെബം ഉത്പാദനം കുറയുന്നതിനാൽ മുടി പെട്ടെന്ന് എണ്ണമയമുള്ളതാകില്ല. അതുകൊണ്ട് ഇവർ ദിവസവും തല കഴുകേണ്ട.
ഹെയർ ജെൽ, സ്പ്രേ എന്നിവ സ്ഥിരമായി ഉപയോഗിക്കുന്നവർ മാസത്തിൽ ഒന്നോ രണ്ടോ തവണ ക്ലാരിഫൈയിങ് ഷാംപൂ ഉപയോഗിച്ച് സ്കാൽപ്പ് വൃത്തിയാക്കണം.