ചപ്പാത്തി വൈകിട്ട് വരെ സോഫ്റ്റായിരിക്കും! ചെയ്യേണ്ടത് അറിയാമോ

മാവ് കുഴയ്ക്കുമ്പോൾ ഒരു ടീസ്പൂൺ വെളിച്ചെണ്ണ, സൺഫ്ലവർ ഓയിൽ അല്ലെങ്കിൽ നെയ്യ് ചേർത്ത് നന്നായി തിരുമ്മി യോജിപ്പിക്കുന്നത് ഈർപ്പം നിലനിർത്താൻ സഹായിക്കും.

മാവ് കുഴച്ച ഉടൻ തന്നെ ചപ്പാത്തി ചുട്ടെടുക്കാൻ ശ്രമിക്കരുത്. നനഞ്ഞ തുണിയോ തട്ടമോ ഉപയോഗിച്ച് മൂടി ചുരുങ്ങിയത് 15-20 മിനിറ്റ് മാറ്റിവെക്കണം.

നല്ല ചൂടുള്ള തവയിൽ വേണം ചപ്പാത്തി ഇടാൻ. കുറഞ്ഞ തീയിൽ വച്ച് കൂടുതൽ സമയം തിരിച്ചും മറിച്ചും ഇട്ടാൽ ചപ്പാത്തിയിലെ ഈർപ്പം വറ്റി കട്ടിയാകും.

ചുട്ടെടുത്ത ചപ്പാത്തി കാസറോളിലോ നനവില്ലാത്ത തുണിയിലോ പൊതിഞ്ഞു സൂക്ഷിക്കാം. ഇത് വൈകിട്ട് വരെ യാതൊരു കേടും കൂടാതെ സൂക്ഷിക്കാനാകും.