ചായ അരിപ്പയിലെ ചായക്കറ  എങ്ങനെ  നീക്കം ചെയ്യാം

സോപ്പുപയോഗിച്ച് ഉരച്ചാലും മാഞ്ഞുപോകാത്ത കടുത്ത കറകൾ മിനിറ്റുകൾക്കുള്ളിൽ വെളുപ്പിച്ചെടുക്കാൻ സഹായിക്കുന്ന ചില എളുപ്പവഴികൾ നോക്കാം.

 ചായ അരിപ്പ ഉപയോഗം കഴിഞ്ഞ ഉടൻ തന്നെ കഴുകി വൃത്തിയാക്കുക എന്നതാണ് കറ പറ്റാതെ സൂക്ഷിക്കാനുള്ള ഏറ്റവും നല്ല മാർഗം. ഇത് മറക്കാതെ ചെയ്യുക.

ചായ അരിച്ചെടുത്ത ശേഷം ചെറുചൂടുള്ള അല്ലെങ്കിൽ തണുത്ത വെള്ളത്തിനടിയിൽ അരിപ്പ നന്നായി കഴുകുന്നതും നല്ലതാണ്. ബ്രഷോ സ്ക്രബ്ബറോ ഉപയോഗിച്ച് ഉരക്കാം.

മുറിച്ച നാരങ്ങയിൽ കുറച്ച് കല്ലുപ്പോ തരി ഉപ്പോ വിതറുക. ഇത് ഉപയോഗിച്ച് അരിപ്പയുടെ ഇരുവശവും നന്നായി തിരുമ്മുക. 5 മിനിറ്റിനു ശേഷം ചൂടുവെള്ളത്തിൽ കഴുകിയെടുക്കാം.