14 July 2025
Nithya V
Pic Credit: Getty Images
കേരളത്തിൽ നിപ ഭീതി പടരുകയാണ്. മരണ സംഖ്യയും കൂടുന്നു. ഈ സാഹചര്യത്തിൽ ജാഗ്രത പാലിക്കേണ്ടത് അനിവാര്യമാണെന്ന് ആരോഗ്യ വിദഗ്ധർ പറയുന്നു.
നിപ ആര്എന്എ വൈറസ് ആണ്. നിപ വൈറസ് ബാധയുള്ള വവ്വാലുകളിൽ നിന്നോ പന്നികളിൽ നിന്നോ ആണ് ഈ രോഗം മനുഷ്യരിലേക്ക് പകരുന്നത്.
നിപ ബാധിച്ചവരുമായുള്ള സമ്പർക്കത്തിലൂടെ രോഗം മറ്റുള്ളവരിലേക്കും പകരുന്നു. യഥാസമയം ചികിത്സിച്ചില്ലെങ്കിൽ മരണം വരെ സംഭവിക്കാം.
അതിനാൽ ലക്ഷണങ്ങൾ അവഗണിക്കരുത്. നിപ വൈറസ് ബാധയുടെ ലക്ഷണങ്ങൾ എന്തെല്ലാമെന്ന് നോക്കിയാലോ...
പനിയോട് കൂടിയുള്ള ശരീരവേദനയാണ് നിപ വൈറസ് ബാധിതരിൽ പൊതുവെ കണ്ട് വരുന്ന ലക്ഷണം. ക്ഷിണവും ഉണ്ടാകും.
ചുമ, തൊണ്ട വേദന എന്നിവ പ്രാരംഭ രോഗ ലക്ഷണങ്ങളാണ്. തുടർന്ന് ചർദ്ദി, ശ്വാസതടസ്സം, അപസ്മാരം, ബോധക്ഷയം എന്നിവ ഉണ്ടാകുന്നു.
രോഗാണുക്കൾ ശരീരത്തിൽ പ്രവേശിച്ച് കഴിഞ്ഞാൽ രോഗലക്ഷണങ്ങൾ പ്രകടമാകാൻ 4 - 21 ദിവസം വരെ വേണ്ടിവരും.
രോഗങ്ങളെ അകറ്റാൻ മാസ്ക് ഉപയോഗിക്കാനും സാമൂഹിക അകലം പാലിക്കാനും ശ്രദ്ധിക്കുക. പക്ഷിമൃഗാദികൾ കടിച്ച പഴങ്ങൾ ഉപയോഗിക്കരുത്.