24 October 2026
SHIJI MK
Image Credit: Getty Images
ഈന്തപ്പഴം പോഷകസമൃദ്ധമായ ഒരു ഭക്ഷണമാണ്. ശരീരത്തിന് ഊര്‍ജം നല്‍കുന്ന പ്രകൃതിദത്ത പഞ്ചസാരയ്‌ക്കൊപ്പം നാരുകള്‍, പൊട്ടാസ്യം, മഗ്‌നീഷ്യം, വിറ്റാമിന്‍ ബി6, ആന്റിഓക്സിഡന്റുകള്‍ അടങ്ങിയിട്ടുണ്ട്.
എന്നാല്‍ ഈന്തപ്പഴം കഴിക്കുന്ന സമയം അനുസരിച്ച് അതിന്റെ ഉപയോഗത്തില്‍ വ്യത്യാസമുണ്ടാകുമോ എന്നറിയാന്‍ പലര്‍ക്കും താല്‍പര്യമുണ്ട്. സമയം പ്രശ്‌നമാണോ?
രാവിലെ വെറും വയറ്റിലോ വ്യായാമത്തിന് മുമ്പോ വൈകുന്നേരത്തെ ലഘുഭക്ഷണമായോ പാലിനൊപ്പം രാത്രിയിലോ ഈന്തപ്പഴം കഴിക്കാം. എന്നാല്‍ എല്ലാവര്‍ക്കും ഒരേ സമയത്ത് കഴിക്കുന്നതാണ് മികച്ചതെന്ന് പറയാനാവില്ല.
രാവിലെ ഒന്നോ രണ്ടോ ഈന്തപ്പഴം കഴിക്കുന്നത് ദിവസത്തിന്റെ തുടക്കത്തില്‍ ഊര്‍ജം ലഭിക്കാന്‍ സഹായിക്കും. പ്രകൃതിദത്ത പഞ്ചസാര ശരീരത്തിന് ഊര്‍ജം നല്‍കുമ്പോള്‍ നാരുകള്‍ ദഹനപ്രക്രിയയ്ക്കും സഹായകരമാണ്.
ജിമ്മില്‍ പോകുന്നവര്‍ക്കും യോഗയോ മറ്റ് വ്യായാമങ്ങളോ ചെയ്യുന്നവര്‍ക്കും വ്യായാമത്തിന് 30 മുതല്‍ 60 മിനിറ്റ് മുമ്പ് ഒന്നോ രണ്ടോ ഈന്തപ്പഴം കഴിക്കുന്നത് പ്രയോജനകരമായേക്കാം.
വൈകുന്നേരങ്ങളില്‍ വിശക്കുമ്പോള്‍ ബിസ്‌കറ്റ്, മധുരപലഹാരങ്ങള്‍, എണ്ണയില്‍ വറുത്ത ലഘുഭക്ഷണങ്ങള്‍ എന്നിവയ്ക്ക് പകരം ഈന്തപ്പഴം തിരഞ്ഞെടുക്കാം.
ചിലര്‍ രാത്രി ചെറുചൂടുള്ള പാലിനൊപ്പം ഈന്തപ്പഴം കഴിക്കാറുണ്ട്. പാലില്‍നിന്ന് പ്രോട്ടീനും കാല്‍സ്യവും ലഭിക്കുമ്പോള്‍ ഈന്തപ്പഴം കാര്‍ബോഹൈഡ്രേറ്റുകളും നാരുകളും നല്‍കുന്നു.