ദിവസേന കട്ടൻ കാപ്പികുടിച്ചാലുണ്ടാവുന്ന ആരോഗ്യപ്രശ്നങ്ങൾ

നമ്മളിൽ പലരും കട്ടൻ കാപ്പി കുടിക്കാറുണ്ട്. ഗുണങ്ങൾ പോലെ ദിവസേന കട്ടൻ കാപ്പി കുടിച്ചാൽ ചില ആരോഗ്യപ്രശ്നങ്ങളുമുണ്ടാവും.

കട്ടൻ കാപ്പിയിൽ ഉയർന്ന അളവിലുള്ള കഫീൻ ഹൃദയമിടിപ്പ് വർധിപ്പിച്ച് ഉത്കണ്ഠ കൂട്ടും. കട്ടൻ കാപ്പിയിലെ കഫീൻ പടപടപ്പിനും കാരണമാവും.

ഉയർന്ന അളവിൽ കാപ്പി കുടിച്ചാൽ കൂടുതൽ കഫീൻ ഉള്ളിലെത്തും. ഇങ്ങനെ കൂടുതൽ കഫീൻ ഉള്ളിലെത്തിയാൽ ഉറക്കതടസത്തിനും കാരണമാവും.

ദിവസേന കട്ടൻ കാപ്പി കുടിയ്ക്കുന്നത് വയറിന് പ്രശ്നമുണ്ടാക്കും. അതുവഴി വയറുവേദനയും നെഞ്ചെരിച്ചിലും പുളിച്ചുതികട്ടലും ഉണ്ടായേക്കാം.

കഫീൻ ചില മരുന്നുകളുമായി യോജിച്ചുപോവില്ല. കാപ്പിയിലെ കഫീൻ ആൻ്റിഡിപ്രസൻ്റുകളുടെയടക്കം ഫലം കുറയ്ക്കാൻ സാധ്യതയുണ്ട്.