കാബേജിൻ്റെ ആരോഗ്യഗുണങ്ങൾ നിരവധി

നമ്മുടെ ഭക്ഷണരീതിയിലെ സാധാരണ പച്ചക്കറിയാണ് കാബേജ്. കാബേജിൽ നിരവധി ആരോഗ്യഗുണങ്ങളും പോഷകങ്ങളുമുണ്ട്.

കാബേജിൽ നാരുകൾ ധാരാളമായി അടങ്ങിയിരിക്കുന്നു. ഇത് ദഹനത്തെ സഹായിക്കും. മലബന്ധം തടയുന്നതിനും ഇത് സഹായകമാവും.

വൈറ്റമിൻ സി, അന്തോസയാനിൻ തുടങ്ങിയ ആൻ്റിഓക്സിഡൻ്റുകൾ ധാരാളമായി അടങ്ങിയിരിക്കുന്ന കാബേജ് ഹൃദയാരോഗ്യത്തിനും വളരെ നല്ലതാണ്.

കാബേജ് പോലുള്ള ബ്രാസിക പച്ചക്കറികൾ കൊളസ്ട്രോൾ ലെവൽ കുറയ്ക്കാൻ സഹായിക്കുമെന്ന് വിവിധ പഠനങ്ങളിൽ കണ്ടെത്തിയിട്ടുണ്ട്.

വൈറ്റമിൻ കെ ധാരാളമായി അടങ്ങിയിരിക്കുന്ന ഒരു പച്ചക്കറിയാണ് കാബേജ്. വൈറ്റമിൻ കെ എല്ലുകളുടെ ആരോഗ്യം മെച്ചപ്പെടുത്താൻ സഹായിക്കും.

കലോറി കുറവും ഫൈബർ കൂടുതലുള്ള കാബേജ് ഭാരനിയന്ത്രണത്തിന് ഏറെ സഹായകമാവും. ഇത് കഴിച്ചാൽ വേഗം വയറ് നിറയുമെന്ന് തോന്നും.

പെട്ടെന്ന് വിശപ്പ് മാറിയതായും വേഗത്തിൽ വയറ് നിറഞ്ഞതായും തോന്നുമെന്നതിനാൽ കലോറി ഇൻടേക്ക് കുറയും. ഇത് ശരീരഭാരം നിയന്ത്രിക്കും.