18 JULY 2025
Nithya V
Image Courtesy: Getty Images
രുചികരവും ആരോഗ്യത്തിന് ഗുണകരവുമായ ഭക്ഷ്യവസ്തുവാണ് മത്സ്യം. ഏറെ പോഷക ഗുണങ്ങൾ ഇവ നൽകുന്നു.
എല്ലാ ദിവസവും മീൻ കിട്ടാത്ത സാഹചര്യങ്ങളിൽ ഫ്രിജിനുള്ളിൽ വച്ച് ഉപയോഗിക്കുന്നത് പതിവാണ്. എന്നാൽ ഇങ്ങനെ ചെയ്യുന്നത് നല്ലതാണോ?
മീൻ ഫ്രിജിലോ ഫ്രീസറിലോ എങ്ങനെ, എത്ര കാലം സൂക്ഷിക്കാം എന്നതിനെക്കുറിച്ച് കൂടുതൽ കാര്യങ്ങൾ അറിഞ്ഞാലോ...
ഫ്രഷ് മത്സ്യം 1 മുതൽ 2 ദിവസം വരെ ഫ്രിജിൽ സുരക്ഷിതമായി സൂക്ഷിക്കാമെന്നാണ് യുണൈറ്റഡ് സ്റ്റേറ്റ്സ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ പറയുന്നത്.
പ്ലാസ്റ്റിക് റാപ്പിലോ അലുമിനിയം ഫോയിലിലോ നന്നായി പൊതിഞ്ഞ് വായു കടക്കാത്ത പാത്രത്തിൽ മീൻ വയ്ക്കാവുന്നതാണ്.
ചാള, തിലാപ്പിയ തുടങ്ങിയവ 6 മുതൽ 8 മാസം വരെ ഫ്രീസറില് സൂക്ഷിക്കാവുന്നതാണ്. സാൽമൺ, അയല, പോലുള്ള കൊഴുപ്പുള്ള മത്സ്യങ്ങള് 2 മുതൽ 3 മാസം വരെ സൂക്ഷിക്കാം.
മീൻ വാങ്ങിയ ഉടനെ എത്രയും പെട്ടെന്ന് തന്നെ ഫ്രീസറിനുള്ളിൽ വയ്ക്കാൻ ശ്രദ്ധിക്കേണ്ടതാണ്. ഫ്രീസര് താപനില -18°C ല് താഴെയായിരിക്കണം.
ഫ്രീസറിൽ വയ്ക്കുന്ന പാക്കിന് മുകളില് തീയതി എഴുതുന്നത് വഴി മത്സ്യം എത്രകാലമായി സൂക്ഷിച്ചിരിക്കുന്നുവെന്ന് അറിയാൻ കഴിയും.