23 JULY 2025
SHIJI MK
Image Courtesy: Getty Images
ഫാറ്റി ലിവര് കുറയ്ക്കാന് കട്ടന് കാപ്പി സഹായിക്കുമെന്ന് പറഞ്ഞാല് നിങ്ങള് വിശ്വസിക്കുമോ? എന്നാല് പഞ്ചസാരയില്ലാതെ കുടിക്കാമെന്ന് പറയുകയാണ് ആരോഗ്യ വിദഗ്ധര്.
കട്ടന് കാപ്പിയില് വലിയ അളവില് തന്നെ ആന്റിഓക്സിഡന്റുകള് അടങ്ങിയിരിക്കുന്നു. ഇത് കരള് കോശങ്ങളെ കേടുപാടുകളില് നിന്ന് സംരക്ഷിക്കുന്നുണ്ട്.
മാത്രമല്ല കരളില് അടിഞ്ഞുകൂടുന്ന കൊഴുപ്പ് കുറയ്ക്കാനും കട്ടന് കാപ്പി സഹായിക്കും. ഇതോടെ ഫാറ്റി ലിവര് സാധ്യതയും കുറയുന്നു.
കൂടാതെ കട്ടന് കാപ്പി ഇന്സുലിന്റെ ഫലം മെച്ചപ്പെടുത്തുന്നുമുണ്ട്. ഇത് കരളിലെ കൊഴുപ്പ് നിയന്ത്രിക്കുന്നതിന് നിങ്ങളെ സഹായിക്കുന്നു.
കട്ടന് കാപ്പിയിലുള്ള ആന്റി ഇന്ഫ്ളമേറ്ററി ഗുണങ്ങള് കരള് വീക്കം കുറയക്കാനും നിങ്ങളെ സഹായിക്കുന്നുണ്ടെന്നാണ് ഡോ. ശിവകുമാര് സരിന് പറയുന്നത്.
കാപ്പി കുടിക്കുന്നത് വഴി കരളിലെ വിവിധ എന്സൈമുകളുടെ പ്രവര്ത്തനം മെച്ചപ്പെടുന്നു. ഇതും ഫാറ്റി ലിവര് സാധ്യത കുറയ്ക്കുന്നുണ്ടെന്നാണ് അദ്ദേഹം പറയുന്നത്.
കൂടാതെ കരള് കോശങ്ങളിലെ ഫൈബ്രോസിസ് തടയാനും കാപ്പി നല്ലതാണ്. ഇത് മെറ്റബോളിസത്തെ വര്ധിപ്പിച്ച് കൊഴുപ്പ് തടയാന് സഹായിക്കുന്നു.