01 MAR 2026
Nithya V
Image Courtesy: Getty Images
ധാരാളം പോഷകഗുണങ്ങൾ അടങ്ങിയ പഴമാണ് മാമ്പഴം. മാമ്പഴക്കാലമെത്തിയതോടെ പ്രമേഹരോഗികൾക്ക് മാമ്പഴം കഴിക്കാമോ എന്ന ചോദ്യവും ഉയരുന്നുണ്ട്.
മധുരമേറിയ മാമ്പഴം രക്തത്തിലെ പഞ്ചസാരയുടെ അളവ് വർദ്ധിപ്പിക്കുമോ എന്ന ഭയമാണ് പലർക്കും. ഇതിൽ ആരോദ്യവിദഗ്ധരുടെ അഭിപ്രായം അറിഞ്ഞാലോ...
പ്രമേഹരോഗികൾ ഒരു ഭക്ഷണം തിരഞ്ഞെടുക്കുമ്പോൾ ഏറ്റവും ശ്രദ്ധിക്കേണ്ടത് അതിന്റെ ഗ്ലൈസെമിക് ഇൻഡക്സ് ആണ്.
ഒരു ഭക്ഷണം എത്ര വേഗത്തിൽ രക്തത്തിലെ പഞ്ചസാരയുടെ അളവ് ഉയർത്തും എന്നതാണ് ഗ്ലൈസെമിക് ഇൻഡക്സ് സൂചിപ്പിക്കുന്നത്.
വളരെ കുറഞ്ഞ ഗ്ലൈസെമിക് സൂചിക അടങ്ങിയ പഴങ്ങളിലൊന്നാണ് മാമ്പഴമെന്ന് വിദഗ്ധർ പറയുന്നു. ഇതിന്റെ ഗ്ലൈസെമിക് ഇൻഡക്സ് 51 ആണ്.
ഇത് 'കുറഞ്ഞ ജിഐ' വിഭാഗത്തിലാണ് ഉൾപ്പെടുന്നത്. അതിനാൽ മറ്റ് പല മധുരപലഹാരങ്ങളെ അപേക്ഷിച്ച് മാമ്പഴം താരതമ്യേന സുരക്ഷിതമാണ്.
അതേസമയം, മാമ്പഴം കഴിക്കാം എന്ന് കരുതി ധാരാളം കഴിക്കരുത്. ദിവസം ഒന്നോ രണ്ടോ ചെറിയ കഷ്ണങ്ങൾ മാത്രം കഴിക്കാൻ ശ്രദ്ധിക്കുക.
ജ്യൂസ് അടിച്ചു കുടിക്കുമ്പോൾ അതിലെ നാരുകൾ നഷ്ടപ്പെടുകയും പഞ്ചസാര വേഗത്തിൽ രക്തത്തിൽ കലരുകയും ചെയ്യും. അതിനാൽ പഴമായി തന്നെ കഴിക്കുക.