01 Aug 2025
NANDHA DAS
Image Courtesy: Freepik
ധാരാളം പോഷകഗുണങ്ങൾ അടങ്ങിയ ഒന്നാണ് കശുവണ്ടി. ഇവ ഡയറ്റിൽ ഉൾപ്പെടുത്തുന്നത് ആരോഗ്യത്തിന് വളരെ നല്ലതാണ്.
എന്നാൽ, പലർക്കുമുള്ള സംശയമാണ് കശുവണ്ടി ശരീരഭാരം വർധിപ്പിക്കുമോ എന്നത്. ഇതിന്റെ യാഥാർഥ്യം പരിശോധിക്കാം.
കലോറി കൂടുതലായതിനാൽ കശുവണ്ടി ശരീരഭാരം വർധിക്കാൻ കാരണമാകുന്നു. എന്നാൽ, മിതമായ അളവിൽ കഴിക്കാവുന്നതാണ്.
കലോറി കൂടുതലാണെങ്കിലും കശുവണ്ടിക്ക് ശരീരഭാരം നിയന്ത്രിക്കാനുള്ള കഴിവുണ്ട്. ഇതിലെ പ്രോട്ടീനും, നാരുകളും, ആരോഗ്യകരമായ കൊഴുപ്പുമെല്ലാമാണ് ഇതിന് സഹായിക്കുന്നത്.
മോണോസാച്ചുറേറ്റഡ്, പോളിഅൺസാച്ചുറേറ്റഡ് കൊഴുപ്പുകൾ അടങ്ങിയിട്ടുള്ള കശുവണ്ടി കഴിക്കുന്നത് ഹൃദയാരോഗ്യത്തിനും നല്ലതാണ്.
ഫോസ്ഫറസ്, സിങ്ക്, ചെമ്പ് തുടങ്ങിയവ അടങ്ങിയ കശുവണ്ടി എല്ലുകളുടെയും പേശികളുടെയും ആരോഗ്യത്തിന് വളരെ നല്ലതാണ്.
ട്രിപ്റ്റോഫാൻ എന്ന അമിനോ ആസിഡിന്റെ മികച്ച ഉറവിടമായ കശുവണ്ടി നല്ല ഉറക്കം ലഭിക്കാൻ സഹായിക്കുന്നു.
നാരുകൾ ഉയർന്ന അളവിൽ അടങ്ങിയിട്ടുള്ള കശുവണ്ടി കഴിക്കുന്നത് ദഹനം മെച്ചപ്പെടുത്താനും വളരെ നല്ലതാണ്.