09 October 2026
SHIJI MK
Image Credit: Getty Images
സ്വര്‍ണം വാങ്ങാന്‍ ആഗ്രഹമുണ്ടെങ്കിലും ഒരുമിച്ച് വലിയൊരു തുക ചെലവാക്കാന്‍ കഴിയാത്തവരുണ്ടോ? അങ്ങനെയുള്ളവര്‍ക്ക് സ്വര്‍ണം വാങ്ങുന്നതിനുള്ള ചില മാസത്തവണ പദ്ധതികള്‍ പരിഗണിക്കാം.
കേരളത്തിലെ ജ്വല്ലറികള്‍ നല്‍കുന്ന ഗോള്‍ഡ് സേവിങ്‌സ് സ്‌കീമുകള്‍, ക്രെഡിറ്റ് കാര്‍ഡ് ഇഎംഐ സൗകര്യങ്ങള്‍, മറ്റ് അംഗീകൃത പേയ്‌മെന്റ് പദ്ധതികള്‍ എന്നിവയിലൂടെ സ്വര്‍ണം വാങ്ങാനുള്ള ചെലവ് കുറയ്ക്കാം.
എല്ലാ ജ്വല്ലറികളിലും എല്ലാ ആഭരണങ്ങള്‍ക്കും ഇഎംഐ സൗകര്യം ലഭിക്കണമെന്നില്ല. നിബന്ധനകളും അധിക ചെലവുകളും മനസിലാക്കിയ ശേഷമാണ് പദ്ധതി തിരഞ്ഞെടുക്കേണ്ടത്.
ചില ജ്വല്ലറികള്‍ ഉപഭോക്താക്കള്‍ക്ക് നിശ്ചിത തുക എല്ലാ മാസവും അടച്ച് പിന്നീട് സ്വര്‍ണം വാങ്ങാന്‍ കഴിയുന്ന സേവിങ്‌സ് പദ്ധതികള്‍ നല്‍കാറുണ്ട്. വ്യവസ്ഥകള്‍ അനുസരിച്ച് ആഭരണം വാങ്ങാം.
ചില ജ്വല്ലറികളില്‍ ക്രെഡിറ്റ് കാര്‍ഡ് ഉപയോഗിച്ച് വാങ്ങുന്ന സ്വര്‍ണത്തിന് ഇഎംഐ സൗകര്യം ലഭിച്ചേക്കാം. ഇത് കാര്‍ഡ് നല്‍കുന്ന ബാങ്കിന്റെയും ജ്വല്ലറിയുടെയും നിബന്ധനകളെ ആശ്രയിച്ചിരിക്കും.
പലിശ, പ്രോസസ്സിങ് ഫീസ്, കുറഞ്ഞ ഇടപാട് തുക തുടങ്ങിയവ ബാധകമാണോ എന്ന് വാങ്ങുന്നതിന് മുമ്പ് ഉറപ്പാക്കണം. സ്ഥാപനത്തോട് ചോദിച്ച് മനസിലാക്കാം.
ഇഎംഐയില്‍ സ്വര്‍ണം വാങ്ങുമ്പോള്‍ പ്രതിമാസം അടയ്‌ക്കേണ്ട തുകയ്‌ക്കൊപ്പം ആകെ ചെലവും കണക്കാക്കണം. ചെലവ് കൂടിയേക്കാം.