മാങ്ങ പഴുപ്പിക്കാൻ മാരകവിഷം  ഉപയോഗിച്ചോ എന്നറിയണോ

പഴം മുറിച്ചു നോക്കിയാൽ പുറംഭാഗം മഞ്ഞയാണെങ്കിലും ഉള്ളിലെ മാംസളമായ ഭാഗം പച്ച കലർന്നതോ പഴുക്കാത്ത രീതിയിലോ ഇരുന്നാൽ അത് കൃത്രിമമായി പഴുപ്പിച്ചതാകാം.

കാർബൈഡ് ഉപയോഗിച്ച മാമ്പഴത്തിന് സ്വാഭാവികമായ മധുരമോ സുഗന്ധമോ കുറവായിരിക്കും. ചിലപ്പോൾ നേരിയ പുളിയോ അസ്വാഭാവികമായ രുചിയോ അനുഭവപ്പെടാം.

മാമ്പഴം ഒരു പാത്രം വെള്ളത്തിലിട്ടു നോക്കുക. സ്വാഭാവികമായി പഴുത്ത മാമ്പഴം വെള്ളത്തിൽ താഴുകയും, കൃത്രിമമായി പഴുപ്പിച്ചത് വെള്ളത്തിന് മുകളിൽ പൊങ്ങിക്കിടക്കുകയും ചെയ്യും.

കാത്സ്യം കാർബൈഡ് വഴി ഉൽപാദിപ്പിക്കപ്പെടുന്ന അസറ്റിലീൻ വാതകം ശരീരത്തിലെത്തിയാൽ തലകറക്കം, ഉറക്കമില്ലായ്മ, ഓർമ്മശക്തി കുറയുക തുടങ്ങിയ പ്രശ്നങ്ങളുണ്ടാകാം.

കാർബൈഡിൽ അടങ്ങിയിരിക്കുന്ന ആഴ്സെനിക്, ഫോസ്ഫറസ് എന്നിവ ദീർഘകാലാടിസ്ഥാനത്തിൽ ഗുരുതരമായ രോഗങ്ങൾക്ക് കാരണമായേക്കാം.

ഇത്തരം പഴങ്ങൾ കഴിക്കുന്നത് ഗർഭിണികൾക്കും ജനിക്കാനിരിക്കുന്ന കുഞ്ഞുങ്ങൾക്കും ആരോഗ്യപരമായ ബുദ്ധിമുട്ടുകൾ ഉണ്ടാക്കാൻ സാധ്യതയുണ്ട്.