പുട്ട് കട്ടയാവില്ല! പൊടി കുഴയ്ക്കുമ്പോൾ ഈ ഒരു കാര്യം ചെയ്യൂ

രാവിലെ ഒരു കുറ്റി പുട്ടും അതിൻ്റെ കൂടെ പഴമോ കടലക്കറിയോ എന്തുമാകട്ടെ ബ്രേക്ക്ഫാസ്റ്റ് അടിപൊളിയാകും. ഈ കോമ്പോ ഇഷ്ടമില്ലാത്തവരും ചുരുക്കമാണ്.

എന്നാൽ പുട്ട് ഉണ്ടാക്കിയ ശേഷം അത് കട്ടിയാകുന്നത് കുറച്ച് ബുദ്ധിമുട്ടാണ്. പഞ്ഞിപോലെ സോഫ്റ്റ് പുട്ട് ഉണ്ടാക്കാൻ പൊടി കുഴയ്ക്കുമ്പോൾ ഈ ചെറിയ വിദ്യ പരീക്ഷിക്കൂ.

സാധാരണ പച്ചവെള്ളത്തിന് പകരം നേരിയ ചൂടുവെള്ളമോ അല്പം ചെറു ചൂടുപാലോ ഒഴിച്ച് പൊടി നനക്കുന്നത് വളരെ നല്ലതാണ്. പുട്ട് വളരെ മൃദുവായി കിട്ടും.

പൊടി നനച്ച ഉടൻ പുട്ട് ഉണ്ടാക്കാൻ നിൽക്കരുത്. 10-15 മിനിറ്റ് മൂടിവെച്ചാൽ അരിപ്പൊടി ഈർപ്പം നന്നായി വലിച്ചെടുത്ത് സോഫ്റ്റാകും. ശേഷം ആവികയറ്റാം.

പൊടിയിലെ കട്ടകൾ മാറി നന്നായി പൊടിഞ്ഞു കിട്ടാൻ നനച്ച പൊടി മിക്സിയുടെ വലിയ ജാറിലിട്ട് പൾസ് മോഡിൽ ഒന്ന് കറക്കിയെടുത്താൽ മതി.