15 January 2026
Sarika KP
Image Credit: Getty, Social Media
പച്ചക്കായകൾ പഴുക്കാൻ ഇനി ദിവസങ്ങളോളം കാത്തിരിക്കേണ്ട. അവ സ്വാഭാവികമായി പഴുക്കാൻ ചില പൊടിക്കൈകളുണ്ട്. അവ നോക്കാം.
ഒരു ബ്രൗൺ പേപ്പർ ബാഗിലോ അല്ലെങ്കിൽ സാധാരണ പത്രക്കടലാസിലോ പഴങ്ങൾ പൊതിഞ്ഞു വെക്കുക. പ്ലാസ്റ്റിക് കവറുകൾ ഉപയോഗിക്കരുത്.
നന്നായി പഴുത്ത ആപ്പിളോ അല്ലെങ്കിൽ മറ്റൊരു പഴുത്ത വാഴപ്പഴമോ ഉണ്ടെങ്കിൽ അത് പച്ചക്കായകൾക്കൊപ്പം വെക്കുന്നത് പഴം പെട്ടെന്ന് പഴുക്കാൻ സഹായിക്കും.
അരി സൂക്ഷിക്കുന്ന പാത്രത്തിനുള്ളിലോ അല്ലെങ്കിൽ ചാക്കിലോ പച്ചക്കായകൾ ഇറക്കി വെക്കുക. ഇത് പഴം പഴുക്കാൻ സഹായിക്കും.
അടുക്കളയിലെ ജനൽ അരികിലോ അല്ലെങ്കിൽ അല്പം ചൂടുള്ള ഭാഗത്തോ പഴങ്ങൾ സൂക്ഷിക്കുക. എന്നാൽ നേരിട്ട് സൂര്യപ്രകാശം ഏൽക്കരുത്.
നിങ്ങൾ വാഴക്കുലയായാണ് പഴുക്കാൻ വെക്കുന്നതെങ്കിൽ, പടലകൾ വേർതിരിച്ച് വെക്കുന്നത് പഴുക്കൽ വേഗത്തിലാക്കും.
ഓരോ പടലയുടെയും മുകൾഭാഗം അല്പം വെളിയിൽ കാണുന്ന രീതിയിൽ വായുസഞ്ചാരമുള്ള പാത്രത്തിൽ സൂക്ഷിക്കുന്നത് നല്ലതാണ്.
പഴങ്ങൾ പഴുക്കുമ്പോൾ അവയുടെ നിറത്തിലും മണത്തിലും വരുന്ന മാറ്റം നിരീക്ഷിക്കുക. ഇതിനായി ദിവസവും പരിശോധിക്കുന്നത് നല്ലതാണ്.