30 ദിവസത്തിനുള്ളിൽ വിളവ് തരുന്ന പച്ചക്കറികൾ

അല്പം വെയിൽ ലഭിക്കുന്ന ഒരു ചെറിയ ബാൽക്കണി ഉണ്ടെങ്കിൽ വിഷമില്ലാത്ത പച്ചക്കറികൾ നമുക്ക് വീട്ടിൽ തന്നെ ഉത്പാദിപ്പിക്കാം.

വെറും മുപ്പത് ദിവസത്തിനുള്ളിൽ വിളവ് തരുന്ന ചില പച്ചക്കറികളെയും അവയെ പരിചരിക്കേണ്ട വിധവും പരിചയപ്പെട്ടാലോ.....

മുളകിന്റെ വിത്തുകൾ പാകി ഏകദേശം ഒരു മാസത്തിനുള്ളിൽ തന്നെ ചെടി പുഷ്പിക്കാനും കായ്കൾ ഉണ്ടാകാനും തുടങ്ങും.

അടുക്കളയിലെ മല്ലി വിത്തുകൾ ഉപയോഗിച്ച് തന്നെ മല്ലിയില വളർത്താം. വിത്തുകൾ പാകി രണ്ടാഴ്ച കൊണ്ട് തന്നെ മുളകൾ വരും.

ഹൈബ്രിഡ് ഇനം വെണ്ട വിത്തുകൾ ഉപയോഗിക്കുകയാണെങ്കിൽ 30-40 ദിവസത്തിനുള്ളിൽ ആദ്യ വിളവെടുപ്പ് നടത്താം.

മണ്ണിനടിയിൽ വളരുന്ന പച്ചക്കറികളിൽ ഏറ്റവും വേഗത്തിൽ വിളവ് നൽകുന്ന ഒന്നാണ് മുള്ളങ്കി, അല്ലെങ്കിൽ റാഡിഷ്.