14 May 2025
NANDHA DAS
Image Courtesy: Freepik
പല്ലുകളുടെ ആരോഗ്യം സംരക്ഷിക്കേണ്ടത് വളരെ പ്രധാനമാണ്. പല കാരണങ്ങളാലും പല്ലുകളുടെ ആരോഗ്യം മോശമാകാം.
അതിനാൽ നമ്മൾ ഭക്ഷണ കാര്യത്തിൽ കൂടുതൽ ശ്രദ്ധ ചെലുത്തണം. അത്തരത്തിൽ പല്ലുകളുടെ ആരോഗ്യത്തിനായി ഒഴിവാക്കേണ്ട ചില ഭക്ഷണങ്ങള് നോക്കാം.
ചോക്ലേറ്റ്, കുക്കീസ്, ഐസ്ക്രീം തുടങ്ങിയ മധുരമുള്ള ഭക്ഷണങ്ങൾ പതിവായി കഴിക്കുന്നത് പല്ലുകളുടെ ആരോഗ്യത്തെ ബാധിക്കും.
ഉപ്പ് ധാരാളം അടങ്ങിയ ചിപ്സ്, പോപ്കോണ് പോലെയുള്ള ഭക്ഷണങ്ങൾ ഡയറ്റിൽ ഉൾപ്പെടുത്തുന്നതും പല്ലുകൾക്ക് നല്ലതല്ല.
സോഡ പോലുള്ള കാര്ബോഹൈഡ്രേറ്റ് അടങ്ങിയ പാനീയങ്ങൾ പതിവായി കുടിക്കുന്നതും പല്ലുകളെ ആരോഗ്യത്തെ നശിപ്പിക്കും.
അമിത മദ്യപാനവും പല്ലുകളുടെ ആരോഗ്യത്തെ മോശമായി ബാധിക്കും. അതിനാൽ ഇതിന്റെ ഉപയോഗം പരിമിതപ്പെടുത്തുക.
പതിവായി കട്ടൻ കാപ്പി കുടിക്കുന്നതും നിങ്ങളുടെ പല്ലുകളുടെ ആരോഗ്യത്തിന് നല്ലതല്ല. അതിനാൽ ഈ ശീലം ഒഴിവാക്കുന്നതാണ് നല്ലത്.
നാരങ്ങ, ഓറഞ്ച്, മുന്തിരി തുടങ്ങിയ സിട്രസ് പഴങ്ങൾ പല്ലുകളിലെ ഇനാമലിനെ നശിപ്പിക്കുകയും പല്ലുകളെ കേടാക്കുകയും ചെയ്യുന്നു.