റോസ് ആപ്പിളെന്ന ചാമ്പക്ക കഴിക്കാതിരിക്കരുത്! ഗുണമിതാണ്  

ചാമ്പയ്ക്ക് അഥവ റോസ് ആപ്പിൾ മിക്ക വീടുകളിലും ഉള്ളതാണ്. ആരോ​ഗ്യ ​ഗുണത്തിൽ കേമനാണ് ഈ കുഞ്ഞൻ. നിരവധി പോഷകങ്ങൾ അടങ്ങിയിട്ടുണ്ട്.

വേനൽക്കാലത്ത് പ്രത്യേകിച്ച് നിർജ്ജലീകരണം ഒഴിവാക്കാൻ ഏറ്റവും നല്ല പഴങ്ങളിൽ ഒന്നാണ് ചാമ്പയ്ക്ക. ഇത് ശരീര താപനില നിയന്ത്രിക്കാൻ സഹായിക്കുന്നു.

ചാമ്പയ്ക്ക മലവിസർജ്ജനം സുഗമമാക്കുകയും ദഹനം മെച്ചപ്പെടുത്തുകയും കുടലിൻ്റെ ആരോ​ഗ്യം കാക്കുകയും ചെയ്യും. ഭാരം കുറഞ്ഞ ഒരു ഫലമാണിത്.

ഈ പഴത്തിൽ വിറ്റാമിൻ സി, ആന്റിഓക്‌സിഡന്റുകൾ എന്നിവ ധാരാളമായി അടങ്ങിയിട്ടുണ്ട്. ഇവ രണ്ടും നിങ്ങളുടെ രോഗപ്രതിരോധ ശേഷി ശക്തിപ്പെടുത്തുന്നു.

ഇതിൽ ഗ്ലൈസെമിക് സൂചിക കുറവാണ്, ഇൻസുലിൻ പ്രവർത്തനത്തെ പിന്തുണയ്ക്കുന്ന ആൽക്കലോയിഡുകളാൽ ഇവ നിറഞ്ഞിരിക്കുന്നു.