മധുരക്കിഴങ്ങ് ഉപയോഗിച്ചാൽ ഗുണങ്ങൾ പലത്

നമുക്ക് വളരെ സുലഭമായി കിട്ടുന്ന ഒന്നാണ് മധുരക്കിഴങ്ങ്. സാധാരണക്കാർക്ക് വരെ താങ്ങാവുന്ന മധുരക്കിഴങ്ങ് ഉപയോഗിച്ചാൽ ഗുണങ്ങൾ പലതാണ്.

മധുരക്കിഴങ്ങിൽ ധാരാളം നാരുകൾ (ഫൈബർ) അടങ്ങിയിട്ടുണ്ട്. ഇത് ദഹനത്തെ സഹായിക്കുന്നതിനൊപ്പം ഉദരാരോഗ്യത്തിനും വളരെ നല്ലതാണ്.

മധുരക്കിഴങ്ങിൽ രണ്ട് തരം ഫൈബറുകളാണ് അടങ്ങിയിരിക്കുന്നത്. സോള്യൂബിൾ ഫൈബറും ഇൻസോള്യൂബിൾ ഫൈബറും.

ഈ രണ്ട് തരം ഫൈബറുകളും ദഹിക്കാതെ ശരീരത്തിൽ തുടരും. അതുകൊണ്ട് തന്നെ ഇവ രണ്ടും നമ്മുടെ ഉദരാരോഗ്യം വളരെ മികച്ചതാക്കും.

ബീറ്റ കരോട്ടിൻ അടക്കമുള്ള ആൻ്റി ഓക്സിഡൻ്റുകൾ കൊണ്ട് സമ്പന്നമാണ് മധുരക്കിഴങ്ങ്. ഇത് രോഗപ്രതിരോധ ശേഷി വർധിപ്പിക്കാൻ സഹായിക്കും.

മിതമായ, പതിവായ മധുരക്കിഴങ്ങ് ഉപയോഗം ചിന്ത, ഓർമ്മ, പഠിക്കൽ, ഭാഷ ഉപയോഗിക്കൽ തുടങ്ങി തലച്ചോറുമായി ബന്ധപ്പെട്ട കാര്യങ്ങൾ മെച്ചപ്പെടുത്തും.