ഓട്സും പീനട്ട് ബട്ടറുമുണ്ടോ? പ്രോട്ടീൻ ബാർ ഇനി വീട്ടിലുണ്ടാക്കാം!

ഈ ഓട്സ് മിശ്രിതം ഒരു പാത്രത്തിലേക്ക് മാറ്റി, അതിലേക്ക് പ്രോട്ടീൻ പൗഡറും ഒരു നുള്ള് ഉപ്പും ചേർത്ത് ഇളക്കുക. മധുരവും രുചിയും കൃത്യമായി ബാലൻസ് ചെയ്യാൻ ഉപ്പ് ചേർക്കുന്നത് സഹായിക്കും

ഇനി ഇതിലേക്ക് ആവശ്യത്തിന് പീനട്ട് ബട്ടർ ചേർക്കാം. ഒപ്പം അല്പം തേനും വാനില എസ്സെൻസും ചേർത്ത് നന്നായി കുഴച്ചെടുക്കുക. മിശ്രിതം ഡ്രൈ ആണെന്ന് തോന്നിയാൽ അല്പം പാൽ ചേർക്കാവുന്നതാണ്.

തയ്യാറാക്കിയ ഈ കൂട്ട് നേരത്തെ ബട്ടർ പേപ്പർ വിരിച്ച പാത്രത്തിലേക്ക് മാറ്റി കൈകൊണ്ട് അമർത്തി ഒരേ നിരപ്പിലാക്കുക. തുടർന്ന് അഞ്ച് മുതൽ പത്ത് മിനിറ്റ് വരെ ഇത് ഫ്രീസറിൽ വെച്ച് തണുപ്പിക്കാൻ വെക്കുക

കുറച്ച് ചോക്ലേറ്റ് ഒരു പാത്രത്തിലെടുത്ത് ചെറുചൂടുവെള്ളത്തിന് മുകളിൽ വെച്ച് ഉരുക്കിയെടുക്കാം. ഫ്രീസറിൽ വെച്ച മിശ്രിതം കട്ടിയായ ശേഷം പുറത്തെടുത്ത് അതിന് മുകളിലായി ചോക്ലേറ്റ് ഒഴിച്ചു കൊടുക്കാം

ചോക്ലേറ്റ് കട്ടിയാകുന്നതിനായി അഞ്ച് മിനിറ്റ് കൂടി ഇത് ഫ്രീസറിലേക്ക് വെക്കാം. ശേഷം പുറത്തെടുത്ത് മുറിച്ചെടുക്കാം. കേടാകാതിരിക്കാൻ എയർ ടൈറ്റായ ഒരു പാത്രത്തിലാക്കി ഫ്രിഡ്ജിൽ സൂക്ഷിക്കാവുന്നതാണ്