വായ്നാറ്റം അകറ്റാനുള്ള വഴികൾ

പലരെയും അലട്ടുന്ന പ്രശ്നമാണ് വായ്നാറ്റം. ഇവ നമ്മുടെ ആത്മവിശ്വാസത്തെ പോലും ഇല്ലാതാക്കും. ഈ പ്രശ്നത്തിന് പരിഹാരം എന്താകും?

വായയുടെ വൃത്തിയില്ലായ്മ, ചില ഭക്ഷണങ്ങൾ, ചില രോ​ഗാവസ്ഥകൾ തുടങ്ങി ഒട്ടേറെ ഘടകങ്ങൾ വായ് നാറ്റത്തിന് കാരണമാകുന്നുണ്ട്.

എന്നാൽ വായ്നാറ്റം അകറ്റാൻ ആ​ഗ്രഹിക്കുന്നവരെ സഹായിക്കാൻ ചില നുറുങ്ങ് വിദ്യകളുണ്ട്. അവ ഏതെല്ലാമെന്ന് നോക്കിയാലോ...

ബ്രഷിന്റെ പുറം ഭാ​ഗം കൊണ്ടോ ടങ് സ്ക്രേപ്പർ കൊണ്ടോ നാവ് വടിക്കാനും ശ്രദ്ധിക്കുക. ഇത് ബാക്ടീരിയകളെ നീക്കം ചെയ്യും.

ഓരോ തവണ ഭക്ഷണം കഴിച്ച ശേഷവും രണ്ടോ മൂന്നോ തവണ മൗത്ത് വാഷ് ഉപയോ​ഗിച്ച് വായ കഴുകാം. മൗത്ത് വാഷിന് പകരം ബേക്കിങ്ങ് സോഡയും ഉപയോ​ഗിക്കാം.

ഓരോ തവണ ഭക്ഷണം കഴിച്ചശേഷവും പെരുംജീരകം ചവയ്ക്കുന്നതും വായിലെ ദുർഗന്ധം അകറ്റി വായയെ ഫ്രഷ് ആക്കാൻ സഹായിക്കും.