19 March 2026
Nithya V
Image Credit: Getty Images
പതിനൊന്നാം ശമ്പളപരിഷ്കരണം പ്രകാരമാണ് നിലവിൽ സംസ്ഥാനസർക്കാർ ജീവനക്കാരുടെ ശമ്പളം നിശ്ചയിക്കുന്നത്. എൽ.ഡി. ക്ലർക്കിന് എത്ര രൂപ ശമ്പളം ലഭിക്കുമെന്ന് നോക്കിയാലോ
പതിനൊന്നാം ശമ്പള പരിഷ്കരണം അനുസരിച്ച് കുറഞ്ഞ അടിസ്ഥാന ശമ്പളം 23,000 രൂപയും പരമാവധി 1,66,800 രൂപയുമാണ്.
എൽ.ഡി. ക്ലർക്ക് തസ്തികയുമായി ബന്ധപ്പെട്ട വിഭാഗങ്ങൾ S5 എന്ന ശമ്പള സ്കെയിലിലാണ് വരുന്നത്. ഇവരുടെ അടിസ്ഥാനശമ്പളം 26,500 രൂപയാണ്.
എൽ.ഡി. ക്ലർക്കിന്റെ ശമ്പള സ്കെയിൽ ₹26,500 - ₹60,700 ആണ്. കൂടാതെ, അതാത് സമയങ്ങളിൽ പ്രഖ്യാപിക്കുന്ന ഡിഎ-യും ശമ്പളത്തോടൊപ്പം ലഭിക്കുന്നു.
ജോലി ചെയ്യുന്ന സ്ഥലത്തിനനുസരിച്ച് വീട്ടുവാടക അലവൻസുകളിൽ വ്യത്യാസം വരും. സിറ്റികളിൽ 2,500, മുനിസിപ്പാലിറ്റികളിൽ 1,500 - ₹2,000, പഞ്ചായത്തുകളിൽ 1,000 രൂപ.
മെഡിക്കൽ അലവൻസുകളും ഉൾപ്പെടെ ഏകദേശം 30,000 മുതൽ 31,000 രൂപ വരെയാണ് എൽ.ഡി. ക്ലർക്ക് തസ്തികയിലുള്ളവരുടെ ശമ്പളം.
ഇതിൽ നിന്ന് പെൻഷൻ വിഹിതങ്ങൾ പിടിക്കുന്നതാണ്. ക്ഷാമബത്ത പുതുക്കി പ്രഖ്യാപിക്കുമ്പോൾ മൊത്തം ശമ്പളത്തിൽ വർദ്ധനവുണ്ടാകും.
കൂടാതെ, വർഷം തോറും ലഭിക്കുന്ന ഇൻക്രിമെന്റ് അനുസരിച്ചും ജീവനക്കാരുടെ ശമ്പളത്തിൽ വ്യത്യാസം ഉണ്ടാകുന്നതാണ്.