വിഷു സദ്യ കഴിച്ച ശേഷം മയക്കം വന്നോ!  മാറ്റാൻ  ചെയ്യേണ്ടത്

വിഭവസമൃദ്ധമായ വിഷു സദ്യയും രണ്ട് തരം പായസവുമാണ് വിഷുവിൻ്റെ പ്രത്യേകത. സമൃദ്ധമായ വിഷു സദ്യ കഴിഞ്ഞാൽ നല്ലൊരു മയക്കം തോന്നുന്നത് സ്വാഭാവികമാണ്.  

വയറു നിറയെ ആഹാരം കഴിച്ച ഉടനെ കിടക്കുന്നത് ദഹനപ്രക്രിയയ്ക്ക് അത്ര നല്ലതല്ല. ഇതുമൂലം ഗ്യാസ്, അസിഡിറ്റി തുടങ്ങിയ പ്രശ്നങ്ങളും ഉണ്ടായേക്കാം.

സദ്യ കഴിഞ്ഞ് 10-15 മിനിറ്റ് സാവധാനം നടക്കുന്നത് ദഹനത്തിന് നല്ലതാണ്. ഇത് രക്തത്തിലെ പഞ്ചസാരയുടെ അളവ് പെട്ടെന്ന് കുറയ്ക്കാനും സഹായിക്കും.

ഇടയ്ക്കിടെ കുറച്ചു വെള്ളം കുടിക്കുന്നത് ശരീരത്തിലെ ഉന്മേഷം നിലനിർത്തുന്നു. പ്രത്യേകിച്ച് വേനലായതിനാൽ. എന്നാൽ ഒറ്റയടിക്ക് ഒരുപാട് വെള്ളം കുടിക്കരുത്.

സദ്യയ്ക്ക് ശേഷം തളർച്ച തോന്നുന്നുണ്ടെങ്കിൽ ഒരു 15 മിനിറ്റ് മാത്രം വിശ്രമിക്കുക. ഉച്ചയുറക്കം ദീർഘനേരമാകാതിരിക്കാൻ പ്രത്യേകം ശ്രദ്ധിക്കണം.