വെളിച്ചെണ്ണയിലെ മായം  കണ്ടെത്താം  വളരെ  ഈസിയായി

അടുക്കളയിലെ ഒഴിച്ചുകൂടാനാവാത്ത ഘടകമാണ് വെളിച്ചെണ്ണ. തേങ്ങ ആട്ടിയെടുത്ത് വെളിച്ചെണ്ണയുണ്ടാക്കാനുളള കഷ്ടപ്പാട് കൊണ്ട് നമ്മൾ വെളിച്ചെണ്ണ കടകളിൽ നിന്നാണ് വാങ്ങുന്നത്.

കടകളിൽ നിന്ന് വാങ്ങുന്ന വെളിച്ചെണ്ണ ശുദ്ധമാണോ എന്ന് എങ്ങനെ തിരിച്ചറിയാനാകും.  വെളിച്ചെണ്ണയിലെ മായം കണ്ടെത്താൻ ചില മാർഗ്ഗങ്ങളുണ്ട്. എന്തൊക്കെയാണെന്ന് നോക്കാം.

ഒരു ഗ്ലാസ് പാത്രത്തിൽ അല്പം വെളിച്ചെണ്ണ എടുത്ത് 30 മിനിറ്റ് ഫ്രിഡ്ജിൽ വയ്ക്കുക. ശുദ്ധമായ വെളിച്ചെണ്ണ പൂർണ്ണമായും കട്ടിയാകുകയും വെള്ള നിറമാവുകയും ചെയ്യും.

ശുദ്ധമായ വെളിച്ചെണ്ണയ്ക്ക് നല്ല പുതിയ തേങ്ങയുടെ സ്വാഭാവിക സുഗന്ധമുണ്ടായിരിക്കും. കരിഞ്ഞ മണമോ, കൃത്രിമ മണമോ അനുഭവപ്പെട്ടാൽ അതിൽ മായമുണ്ടാകാം.

അല്പം വെളിച്ചെണ്ണ വിരലുകളിൽ എടുത്ത് തിരുമ്മി നോക്കുക. നല്ല വെളിച്ചെണ്ണ ചർമ്മത്തിൽ വേഗത്തിൽ ആഗിരണം ചെയ്യപ്പെടുകയും സുഗമമായ തണുപ്പ് നൽകുകയും ചെയ്യും.