മഴക്കാലത്തെ തേരട്ട ശല്യം; വീട്ടമ്മമാർ അറിയാൻ

മഴക്കാലമായാൽ കൊതുകിന് ഒപ്പം തന്നെ വീടുകളിൽ ശല്യമുള്ള ഒന്നാണ് തേരട്ട. മഴയത്ത് കൂടികിടക്കുന്ന ചപ്പുചവറുകൾക്കിടയിൽ നിന്നാണ് ഇവ പുറത്തേക്ക് വരുന്നത്.

ഇവയെ കൊണ്ട് പൊറുതിമുട്ടിയ വീട്ടമ്മമാർക്ക് കെമിക്കലുകൾ ഇല്ലാതെ തേരട്ടകളെ തുരത്താൻ പറ്റിയ ചില നാടൻ വിദ്യകൾ എന്തെല്ലാമെന്ന് നമുക്ക് നോക്കാം.

പുകയില വെള്ളത്തിൽ കുതിർത്ത് തിളപ്പിച്ചെടുക്കുന്ന പുകയില കഷായം തേരട്ടകളെ തുരത്താനുള്ള മികച്ച മാർ​ഗമാണ്. ഇത് വീടിന്റെ പരിസരത്ത് തളിക്കുന്നത് ഇവയെ അകറ്റും.

മഞ്ഞൾപ്പൊടിയും കല്ലുപ്പും ഒന്നിച്ച് ചേർത്ത് തേരട്ടകൾ കാണപ്പെടുന്ന ഇടങ്ങളിൽ വിതറുക. ഇവയുടെ ശരീരത്തിൽ ഉപ്പ് തട്ടിയാൽ അവ വേ​ഗം ചത്തുപോകാൻ കാരണമാകും.