കൊതുകുകൾ ചിലരെ മാത്രം കൂടുതൽ കടിക്കുന്നത് എന്തുകൊണ്ട്?

മഴക്കാലമായതോടെ കൊതുക് ശല്യം രൂക്ഷമാവുകയാണ്. എന്നാൽ ചിലരെ മാത്രം കൊതുക് കൂടുതൽ കടിക്കുമെന്ന് പറയാറുണ്ട്. എന്തായിരിക്കും ഇതിന് കാരണം?

ശരീരത്തിൽ ഒരുപാട് രക്തം ഉള്ളത് കൊണ്ടാണ് കൂടുതൽ കടിക്കുന്നതെന്നാണ് പറയാറുള്ളത്. എന്നാൽ ഇതാണോ യഥാർത്ഥ കാരണം?

ധരിക്കുന്ന വസ്ത്രം മുതൽ ശരീരത്തിൽ അടങ്ങിയിട്ടുള്ള കാർബൺഡൈ ഓക്സൈഡിന്റെ അളവും രക്തഗ്രൂപ്പും വരെ കൊതുകിനെ ആകർഷിക്കും.

മറ്റ് രക്തഗ്രൂപ്പുകളെ അപേക്ഷിച്ച് ഒ ഗ്രൂപ്പ് രക്തത്തിൽപ്പെട്ടവരെയാണ് കൊതുകുകൾ കൂടുതൽ ആകർഷിക്കുന്നതെന്ന് പഠനങ്ങൾ പറയുന്നു.

അതുപോലെ അമിതവണ്ണമുള്ളരോട് കൊതുകുകൾക്ക് പ്രത്യേക താൽപര്യമുണ്ട്.  ഇവരിൽ കാർബൺ ഡൈ ഓക്സൈഡ് ഉൽപ്പാദിപ്പിക്കുന്ന അളവ് കൂടുതലാണ്.

മറ്റുള്ളവരെ അപേക്ഷിച്ച് കൂടുതല്‍ കാര്‍ബണ്‍ഡൈഓക്സൈഡ് പുറത്തുവിടുന്നവരാണ് ഗര്‍ഭിണികള്‍.  ഇവരെയും കൊതുക് കൂടുതൽ കടിക്കും.