കറിവേപ്പില കൈകൊണ്ട് പറിച്ചെടുക്കരുത്? ശ്രദ്ധിക്കേണ്ട കാര്യങ്ങൾ

നല്ല സൂര്യപ്രകാശം ലഭിക്കുന്ന ഇടങ്ങളിൽ വേണം കറിവേപ്പില നടാൻ. വെള്ളം കെട്ടിനിൽക്കാത്ത, ഈർപ്പമുള്ള മണ്ണാണ് അനുയോജ്യം.

കറിവേപ്പില പറിക്കുമ്പോൾ ഒരിക്കലും കൈ കൊണ്ട് വലിച്ചുപറിക്കരുതെന്ന് പറയാറുണ്ട്.  ഇത് ചെടിയുടെ വളർച്ചയെ ബാധിച്ചേക്കാം.

പകരം കത്രികയോ ബ്ലേഡോ ഉപയോഗിച്ച് മുറിച്ചെടുക്കുക. ഇത് പുതിയ മുളകൾ വരാൻ സഹായിക്കുന്നതാണ്.

ചെടി നട്ട് ഇലകൾ വന്നുതുടങ്ങുമ്പോൾ പറിക്കരുത്. കുറഞ്ഞത് ഒന്നോ രണ്ടോ വർഷം കഴിഞ്ഞ് വിളവെടുക്കുന്നതാണ് നല്ലത്.

പച്ചച്ചാണകം വെള്ളത്തിൽ കലക്കി ഒഴിക്കുന്നതും അതുപോലെ ഉപയോ​ഗിച്ച തേയില പൊടി ഇടുന്നതും ചെടി തഴച്ച് വളരാൻ സഹായിക്കും.