തക്കാളി വീട്ടിൽ തന്നെ വിളയിക്കാം;  ടെറസിലും പറ്റും

നല്ല ഗുണമേന്മയുള്ള, രോഗപ്രതിരോധശേഷിയുള്ള ഹൈബ്രിഡ് വിത്തുകളോ അല്ലെങ്കിൽ നല്ല പഴുത്ത തക്കാളിയിൽ നിന്നുള്ള വിത്തോ ഉപയോഗിക്കാവുന്നതാണ്.

ചകിരിച്ചോറും ഉണങ്ങിയ ചാണകപ്പൊടിയും തുല്യ അളവിൽ കലർത്തിയ മിശ്രിതം പ്രോട്രേകളിലോ ചെറിയ ചിരട്ടകളിലോ നിറച്ച് വിത്ത് പാകാം.

ചകിരിച്ചോറ്,  ഉണങ്ങിയ ചാണകപ്പൊടി/കമ്പോസ്റ്റ് എന്നിവ ചേർത്ത് മണ്ണൊരുക്കാം . വേപ്പിൻപിണ്ണാക്കും കുമ്മായവും നല്ലതാണ്.

തക്കാളി ചെടിക്ക് ദിവസവും കുറഞ്ഞത് 5–6 മണിക്കൂർ നേരിട്ടുള്ള വെയിൽ ആവശ്യമാണ്. ദിവസവും ആവശ്യമനുസരിച്ച് നനയ്ക്കാനും മറക്കരുത്.

ചെടി വളർന്ന് തുടങ്ങുമ്പോൾ തന്നെ കമ്പുകളോ കയറോ ഉപയോഗിച്ച് താങ്ങ് കൊടുക്കണം. ഇത് കായ്കൾ നിലത്തുതട്ടി ചീഞ്ഞുപോകുന്നത് തടയും.