31 March 2026
Nithya V
Image Credit: Getty Images
മാമ്പഴക്കാലം എത്തിയതോടെ വിപണിയിൽ മാമ്പഴപ്പൂരമാണ്. എന്നാൽ ഇവ വിശ്വസിച്ച് വാങ്ങിക്കാൻ സാധിക്കുമോ?
മാമ്പഴം പെട്ടെന്ന് പഴുപ്പിക്കാനായി നിരവധി രാസവസ്തുക്കൾ ഉപയോഗിക്കാറുണ്ട്. ഇവ ആരോഗ്യത്തിന് ദോഷകരമാണ്.
എന്നാൽ, രാസവസ്തുക്കളടങ്ങിയ മാമ്പഴം തിരിച്ചറിയാൻ ചില വഴികളുണ്ട്. ആരോഗ്യം സംരക്ഷിക്കാൻ ആ തന്ത്രങ്ങൾ അറിഞ്ഞാലോ...
മാമ്പഴത്തിന്റെ എല്ലാ ഭാഗത്തും ഒരേപോലെ മഞ്ഞ നിറം കാണുന്നുണ്ടെങ്കിൽ അത് കൃത്രിമമായി പഴുപ്പിച്ചതാകാൻ സാധ്യതയുണ്ട്.
എന്നാൽ സ്വാഭാവികമായി പഴുത്ത മാമ്പഴത്തിന്റെ പുറത്ത് ചെറിയ പുള്ളികളോ കറുത്ത പാടുകളോ കാണാറുണ്ട്.
നല്ല മാമ്പഴം മണം കൊണ്ടും തിരിച്ചറിയാം. കൃത്രിമമായി പഴുപ്പിച്ചതിന് ഗന്ധം കുറവായിരിക്കും. നേരിയ തോതിൽ രാസവസ്തുക്കളുടെ മണം അനുഭവപ്പെട്ടേക്കാം.
മാമ്പഴം ഒരു ബക്കറ്റ് വെള്ളത്തിൽ ഇട്ടു നോക്കുക. സ്വാഭാവികമായി പഴുത്ത മാമ്പഴമാണെങ്കിൽ അത് വെള്ളത്തിൽ താഴ്ന്നു കിടക്കും.
രാസവസ്തുക്കൾ ഉപയോഗിച്ച് പഴുപ്പിച്ച മാമ്പഴമാണെങ്കിൽ അത് വെള്ളത്തിന് മുകളിൽ പൊങ്ങിക്കിടക്കും.