വെളുത്തുള്ളി സ്പ്രേ ഉപയോഗിച്ച് കൊതുകിനെ അകറ്റാം.

വിഭവങ്ങൾക്ക് രുചി കൂട്ടാൻ വെളുത്തുള്ളിയെക്കാൾ വേറൊന്നില്ല. എന്നാൽ പാചകത്തിന് മാത്രമല്ല കൊതുകിനെ തുരത്താനും വെളുത്തുള്ളി ഉ​ഗ്രനാണ്.

വിപണിയിൽ ലഭിക്കുന്ന വിഷവ്സ്തുക്കൾ അടങ്ങിയ സ്പ്രേ ഇനിമുതൽ ഉപയോ​ഗിക്കേണ്ട. പകരം വെളുത്തുള്ളി സ്പ്രേ തയ്യാറാക്കുന്നത് എങ്ങനെയെന്ന് നോക്കാം.

കൊതുകുകൾ, ഈച്ചകൾ, ഉറുമ്പുകൾ തുടങ്ങിയ പ്രാണികളെ അകറ്റാൻ വെളുത്തുള്ളി ഉപയോഗിക്കാവുന്നതാണ്. ഇവയിൽ ഉണക്ക മുളകും ചേർക്കാം.

5-6 വെളുത്തുള്ളി, 1 ടീസ്പൂൺ മുളകുപൊടി, 1 ലിറ്റർ വെള്ളം എന്നിവ എടുക്കുക. ആദ്യം വെളുത്തുള്ളിയും മുളകുപൊടിയും ചേർത്ത് നന്നായി അരച്ചെടുക്കുക.

പിന്നീട് ഒരു പാത്രത്തിൽ ഒരു ലിറ്റർ വെള്ളം തിളപ്പിക്കാൻ വയ്ക്കുക. പിന്നീട് ഈ പേസ്റ്റ് അതിലേക്ക് ചേർത്ത് 5-10 മിനിറ്റ് നന്നായി തിളപ്പിക്കുക.

തണുത്ത ശേഷം വാതിലുകൾ, ചുവരുകൾ, അടുക്കള, ചവറ്റുകുട്ടകൾ എന്നിവയ്ക്ക് ചുറ്റും സ്പ്രേ ചെയ്യാം. ഒരു ദിവസം രണ്ട് മൂന്ന് തവണ ഉപയോ​ഗിക്കാവുന്നതാണ്.

ഈച്ചകളെയും പ്രാണികളെയും തുരത്താൻ ഒരു സ്പ്രേ കുപ്പിയിൽ വിനാഗിരി, നാരങ്ങാനീര്, വെള്ളം എന്നിവ യോജിപ്പിച്ചും തളിക്കാവുന്നതാണ്.