പൂക്കളം  ഒരുക്കേണ്ടത് എങ്ങനെ? അറിയാം

ഐശ്വര്യവും സമ്പൽസമൃദ്ധിയും നിറഞ്ഞ ഒരു ഓണക്കാലം കൂടി വരവായി. ഓണാഘോഷം തുടങ്ങുന്നത് പൂക്കളം ഇടുന്നതോടുകൂടിയാണ്.

 പണ്ടൊക്കെ പിള്ളേരോണം മുതലായിരുന്നു പൂക്കളം ഇടാറുള്ളത്. എന്നാൽ ഇന്ന് അത്തം മുതലാണ് മിക്കവരും വീടുകളിൽ പൂക്കളമിടുന്നത്.

തുമ്പപ്പൂ, തുളസിപ്പൂ, തൊട്ടാവാടിപ്പൂ, മുക്കുറ്റിപ്പൂ, കൊങ്ങിണി, ഇലകൾ തുടങ്ങി പ്രകൃതിയിലുള്ളതെല്ലാം എല്ലാം പൂക്കളത്തിൽ സ്ഥാനം പിടിക്കാറുണ്ട്.

നിലവിളക്കു കൊളുത്തി ഗണപതിക്കു വെച്ച് ചാണകം മെഴുകിയ തറയിൽ പൂക്കളം ഇടാൻ തുടങ്ങുന്നത്. തുമ്പപ്പൂവിട്ടാണ് പൂവിടാൻ തുടങ്ങേണ്ടത്.

ആദ്യ രണ്ടു ദിവസം തുമ്പപ്പൂവും തുളസിയുമാണ് ഇടുന്നത്. ചെറിയ വട്ടത്തിലാകും പൂക്കളം ഇടുന്നത്. മൂന്നാം ദിവസം മുതൽ നിറങ്ങളുളള പൂക്കൾ ഇടും.

അഞ്ചാം ദിവസം മുതൽ കുട കുത്തും. ചെമ്പരത്തിപ്പൂവും മറ്റു പൂക്കളും കോർത്തു വയ്ക്കുന്നതിനാണ് കുട കുത്തുക എന്നു പറയുന്നത്.