പുട്ട് കട്ടിയാകുന്നുണ്ടോ? മാവിൽ ഇതൊന്ന് ചേ‍ർത്താൽ മതി 

മലയാളികളുടെ പ്രിയപ്പെട്ട പ്രഭാതഭക്ഷണമാണ് പുട്ട്. കടലകറിയോടൊപ്പവും പഴം, പപ്പടം തുടങ്ങി പുട്ടിനൊപ്പം കോമ്പിനേഷനുകളും ഒരുപാടുണ്ട്.

എന്നാൽ പുട്ട് കട്ടിയാവുന്നത് പലപ്പോഴും അഭിമുഖീകരിക്കുന്ന പ്രധാന പ്രശ്നമാണ്. ഇത് പരിഹരിക്കാൻ പല പൊടികൈകളും പരീക്ഷിക്കാറുമുണ്ട്.

ഉണക്കകപ്പയാണ് ഇതിൽ പ്രധാനി. കൂടാതെ ശരിയായ രീതിയിൽ മാവ് നനയ്ക്കാനും ആവി കയറ്റാനും അറിഞ്ഞാൽ പഞ്ഞിപോലെയുള്ള പുട്ട് റെഡിയാകും.

പച്ചരി 8 മണിക്കൂറെങ്കിലും വെള്ളത്തിൽ കുതിർത്തെടുക്കാം. ശേഷം വെള്ളം കളഞ്ഞ് അരി വെയിലത്തു വച്ച് നന്നായി ഉണക്കിയെടുക്കാം.

ശേഷം, മാവിൽ കുറച്ച് ഉണക്ക കപ്പയുടെ പൊടി കൂടി ചേർത്ത് പാനിൽ ചൂടാക്കാം. വറുത്തെടുത്ത പൊടി തണുക്കാൻ മാറ്റി വയ്ക്കാം.

തണുത്ത പൊടിയിൽ ചെറുചൂടുള്ള വെള്ളം ചേർത്ത് പുട്ട് തയ്യാറാക്കാൻ പാകത്തിന് നനച്ചെടുക്കാം. ശേഷം പുട്ടുകുറ്റിയിലേയ്ക്കു മാറ്റി തേങ്ങ ചിരകിയതു കൂടി ചേർക്കാം.