ട്രെയിൻ യാത്രയിൽ എങ്ങനെ ഭക്ഷണം ഓർഡർ ചെയ്യാം?

നമ്മുടെ രാജ്യത്ത് ആളുകൾ ഏറ്റവും കൂടുതൽ ആശ്രയിക്കുന്ന ട്രെയിൻ ​ഗതാ​ഗതത്തെയാണ്. എന്നാൽ ചിലർക്ക് ട്രെയിനിലെ ഭക്ഷണം അത്ര ഇഷ്ടമായെന്ന് വരില്ല.

ട്രെയിനിലെ ഭക്ഷണം ഇഷ്ടമല്ലാത്തവർക്ക് പുറത്തുനിന്ന് യാത്ര ചെയ്യുമ്പോൾ എങ്ങനെ ഭക്ഷണം ഓണലൈനിലൂടെ ഓർഡർ ചെയ്യാമെന്ന് നോക്കാം.

ഐആർസിടിസി ഇ-കാറ്ററിംഗ് "ഫുഡ് ഓൺ ട്രാക്ക്" ആപ്പ് ഡൗൺലോഡ് ചെയ്യുക. അല്ലെങ്കിൽ ഇ-കാറ്ററിംഗ് വെബ്സൈറ്റ് സന്ദർശിക്കുക https://www.ecatering.irctc.co.in/.

ഭക്ഷണം ഓർഡർ ചെയ്യുമ്പോൾ ട്രെയിൻ, സീറ്റ് എന്നിവ മനസ്സിലാക്കുന്നതിന് നിങ്ങളുടെ 10 അക്ക പിഎൻആർ നമ്പർ അതിൽ നൽകുക.

റൂട്ടും സമയവും അടിസ്ഥാനമാക്കി, ഭക്ഷണം എത്തിക്കേണ്ട സ്റ്റേഷൻ തിരഞ്ഞെടുക്കുക. താലി, പിസ്സ, ബിരിയാണി എന്നിവ ഉൾപ്പെടുന്ന മെനു നിങ്ങൾക്ക് കാണാം.

ട്രെയിനുകളിൽ ഇ-കാറ്ററിങ്ങിനായി YatriRestro, RailRecipe, RelFood തുടങ്ങിയ മറ്റ് പ്ലാറ്റ്‌ഫോമുകളിലും ഭക്ഷണം ഓർഡർ ചെയ്യാൻ നിങ്ങൾക്ക് സാധിക്കും.

സൊമാറ്റോ, സ്വിഗ്ഗി തുടങ്ങിയ പ്ലാറ്റ്‌ഫോമുകൾ ഉൾപ്പെടുന്ന സ്റ്റേഷനുകളിൽ അതിലൂടെയും നിങ്ങൾക്കായി ഭക്ഷണം എത്തിച്ചേരുന്നതാണ്.