ചേന അരിയാൻ പേടിക്കണ്ട; കൈ ചൊറിയാതിരിക്കാൻ ഇതാ വഴി

അവിയൽ, കാളൻ എന്നിവയിലെ പ്രധാനിയാണ് ചേന. നിരവധി പോഷക ഗുണങ്ങൾ ചേനയ്ക്ക് ഉണ്ടെങ്കിലും ഇത് വൃത്തിയാക്കുമ്പോൾ കൈ ചൊറിയും.

കൈ ചൊറിയുന്നതിനാൽ ചേന എടുക്കാൻ പലരും മടിക്കാറുണ്ട്. ഇനി ചൊറിച്ചിൽ തീരെയില്ലാതെ എങ്ങനെ ചേന അരിഞ്ഞെടുക്കാമെന്ന് നോക്കാം.

ചേനയുടെ തൊലി കളയുമ്പോഴാണ് കൈ ചൊറിയുക. ഇതിൽ അടങ്ങിയിരിക്കുന്ന കാൽസ്യം ഓക്‌സലേറ്റ് ക്രിസ്റ്റൽസാണ് ചൊറിച്ചിലിന് കാരണമാകുന്നത്.

ചേന അരിയുന്നതിന് മുമ്പ് കൈയ്യിൽ അല്പം വെളിച്ചെണ്ണ പുരട്ടുന്നത് നല്ലതാണ്. ചേന നുറുക്കി പാത്രത്തിലാക്കി നന്നായി കഴുകുകയും വേണം.

ചിലർക്ക് ചേന കഴുമ്പോൾ വെള്ളം കൈകളിൽ ആയാലും ചൊറിഞ്ഞേക്കാം. ഇത്തരക്കാർ കൈകൾ ഉപയോഗിച്ച് കഴുകരുത്. പകരം ​ഗ്ലൗസ് ഇട്ട് കഴുകുക.