കൊതുക് കടിയിൽ നിന്ന് രക്ഷനേടാം; ഇതാ ചില മാർഗങ്ങൾ

മഴക്കാലമാവുമ്പോൾ കൊതുക് ശല്യം വർധിക്കും. കൊതുക് കടിയിൽ നിന്ന് രക്ഷ നേടാൻ ചില മാർഗങ്ങളുണ്ട്. അവയിൽ ചിലത് പരിശോധിക്കാം.

കൊതുക് കടി തടയാൻ വസ്ത്രധാരണം നിർണായകമാണ്. നീളൻ കയ്യുള്ള വസ്ത്രങ്ങളും സോക്സും ഷൂസും അണിഞ്ഞ് ശരീരമാസകലം മറയ്ക്കണം.

കൊതുക് വല ഉപയോഗിക്കുന്നത് കൊതുക് കടിയിൽ നിന്ന് രക്ഷനേടാനുള്ള മാർഗമാണ്. പുറത്തും അകത്തും കൊതുക് വല രക്ഷനൽകും.

കെട്ടിക്കിടക്കുന്ന വെള്ളം നീക്കം ചെയ്യണം. പരിസരങ്ങളിൽ ഉപേക്ഷിക്കപ്പെട്ട നിലയിലുള്ള പാത്രങ്ങളിലും മറ്റും വെള്ളം നിറഞ്ഞ് കൊതുക് വളരും.

ഉള്ളിൽ കൊതുക് കടക്കാതിരിക്കാൻ ജനലുകൾക്കും വാതിലുകൾക്കും സ്ക്രീൻ ഘടിപ്പിക്കണം. ഇതും കൊതുക് കടിയിൽ നിന്ന് രക്ഷപ്പെടുത്തും.