കരിഞ്ഞു  പോയ ഭക്ഷണം കളയേണ്ട!  അരുചി മാറ്റാൻ വഴിയുണ്ട്

ഇനി കരിഞ്ഞു പോയ ഭക്ഷണം കളയേണ്ട. ആ അരുചിയും ഗന്ധവും ഇല്ലാതാക്കാൻ ചില എളുപ്പവഴികളുണ്ട്. എന്താണെന്ന് നോക്കാം.

തോരൻ തയാറാക്കുമ്പോൾ അടിയിൽ പിടിച്ചിട്ടുണ്ടെങ്കിൽ, വളരെ പെട്ടെന്ന് തന്നെ അടിഭാഗത്ത് നിന്നുള്ളവ ഒഴിവാക്കി മുകൾ ഭാഗത്തുള്ളവ മാറ്റുക.

ഒരു ബ്രെഡ് എടുത്ത് ഈ തോരൻ അതിന് മുകളിലായി വെയ്ക്കാം. പാത്രം അടച്ചു വെയ്ക്കരുത്. പത്തു മുതൽ പതിനഞ്ചു മിനിട്ടു വരെ ഇങ്ങനെ വക്കുക.

ഇനി തോരന്റെ കരിഞ്ഞ ഗന്ധം പരിശോധിച്ച് നോക്കുക. ഇങ്ങനെ ചെയ്താൽ കരിഞ്ഞുപോയ തോരന് ഒട്ടും തന്നെ കരിഞ്ഞ മണം ഉണ്ടാവുകയില്ല.

ഒരു കാരണവശാലും അടിയിൽ പിടിച്ച ശേഷം അത് മുഴുവനായി ഇളക്കാൻ ശ്രമിക്കരുത്. കരിയാത്ത ഭക്ഷണം മാറ്റിയ ശേഷം മാത്രമെ അങ്ങനെ ചെയ്യാവു.