ചക്ക പെട്ടെന്ന് പഴുക്കാൻ  ഇതാ ചില  നാടൻ വിദ്യകൾ

നല്ല മധുരമുള്ള വരിക്കച്ചക്കയോ കൂഴച്ചക്കയോ ആകട്ടെ ചില പൊടികൈകൾ ഉപയോ​ഗിച്ചാൽ പറിച്ച ശേഷവും ഈസിയായി പഴുപ്പിച്ചെടുക്കാവുന്നതാണ്.

ചക്ക ഒരു ചണച്ചാക്കിൽ പൊതിഞ്ഞു സൂക്ഷിക്കുക. ചക്ക പുറത്തുവിടുന്ന എതിലിൻ ഗ്യാസ് ചാക്കിനുള്ളിൽ തങ്ങിനിൽക്കുന്ന് പെട്ടെന്ന് പഴുക്കാൻ കാരണമാകും.

ചക്കയുടെ ഞെട്ട് മുറച്ച ഭാഗം കനലിന് മുകളിലോ ചൂടുള്ള ചാരത്തിലോ കുറച്ച് സമയം അമർത്തി വെക്കുക. ഈ ചൂട് ചക്കയുടെ ഉള്ളിലേക്ക് എത്തി പെട്ടെന്ന് പഴുക്കുന്നു.

മറ്റ് പഴങ്ങൾക്കൊപ്പം ചക്ക വെക്കുന്നത് നല്ലതാണ്. പഴുത്ത പഴങ്ങൾ പുറത്തുവിടുന്ന വാതകങ്ങൾ ചക്കയെ പെട്ടെന്ന് പഴുക്കാൻ സ​ഹായിക്കുന്നു.

ചക്കയുടെ പുറത്ത് നല്ല മണം വന്നാൽ അത് പഴുത്തതിന്റെ ലക്ഷണമാണ്. ചക്കയിൽ തട്ടുമ്പോൾ ഉള്ളിൽ പൊള്ളയായത് പോലെ ശബ്ദം കേട്ടാൽ അത് പഴുത്തതിൻ്റെ ലക്ഷണമാണ്.