ഉരുളക്കിഴങ്ങ്  കൂടുതൽ കാലം ഫ്രഷായിരിക്കാൻ...

അടുക്കളയിലെ സ്ഥിരമായി കാണുന്ന  ഒന്നാണ് ഉരുളക്കിഴങ്ങ്. വളരെ പെട്ടെന്ന് തയ്യാറാക്കാമെന്നതു കൊണ്ട് തന്നെ ഉരുളക്കിഴങ്ങ് വാങ്ങിവെക്കാറുണ്ട്.

എന്നാൽ ഇത് ദിവസങ്ങൾ കഴിയുമ്പോഴേക്കും മുളപൊട്ടാനും കേടാകാനും സാധ്യതയുണ്ട്. ഉരുളക്കിഴങ്ങ് കൂടുതൽ കാലം ഫ്രഷായിരിക്കാൻ ചില മാർ​ഗങ്ങൾ ഇതാ...

ഉരുളക്കിഴങ്ങ് വാങ്ങുമ്പോൾ അതിന് പുറമെയുള്ള മണ്ണ് തട്ടിക്കളയാതിരിക്കുക. ഇത് ഉരുളക്കിഴങ്ങിന് സംരക്ഷണ കവചമായി പ്രവർത്തിക്കുന്നു.

നേരിട്ടുള്ള സൂര്യപ്രകാശം ഏൽക്കുന്നത് ഉരുളക്കിഴങ്ങിന്റെ തൊലി പച്ചനിറമാകാനും വിഷാംശമായ സൊളാനിൻ ഉണ്ടാകാനും കാരണമാകും.

ഉള്ളി എഥിലിൻ ഗ്യാസ് പുറത്തുവിടുന്നു. ഈ വാതകം ഉരുളക്കിഴങ്ങ് പെട്ടെന്ന് മുളയ്ക്കാൻ കാരണമാകും. അതിനാൽ, ഉള്ളിയും ഉരുളക്കിഴങ്ങും അകലം പാലിച്ച് സൂക്ഷിക്കുക.