ഇൻസുലിൻ എടുക്കുന്ന പ്രമേഹരോഗികൾ ശ്രദ്ധിക്കേണ്ട കാര്യങ്ങൾ

ഇൻസുലിൻ ഉപയോഗിച്ച് പ്രമേഹം നിയന്ത്രിക്കുന്നവർ വളരെയധികം ശ്രദ്ധിക്കേണ്ടതുണ്ട്. മരുന്ന് കഴിക്കുന്നതിനേക്കാൾ കൂടുതൽ ശ്രദ്ധ ആവശ്യമാണ്.

മറ്റു മരുന്നുകളും കൃത്യമായ അളവിൽ ക്രമമായി കഴിക്കണം. ഇൻസുലിൻ എടുക്കുന്ന പ്രമേഹരോഗികൾ ആഴ്ചയിൽ ഒരിക്കലെങ്കിലും ഗ്ലൂക്കോസ് നില പരിശോധിക്കണം.

ഒരാഴ്ച ഭക്ഷണം കഴിച്ചശേഷം, അടുത്തയാഴ്ച ഭക്ഷണത്തിനു മുമ്പ് എന്നിങ്ങനെ പല നേരമായി പരിശോധന നടത്തിയാൽ പ്രമേഹനിലയെ കുറിച്ച് വ്യക്തമായ ധാരണ കിട്ടും.

എപ്പോഴും ഒരേ സ്ഥലത്ത് തന്നെ കുത്തിവെക്കരുത്. വയറ്, തുടയുടെ വശങ്ങൾ, കൈകളുടെ പിൻഭാഗം എന്നിവിടങ്ങളിൽ മാറിമാറി കുത്തിവെക്കുക.

ഇൻസുലിൻ സാധാരണ ഊഷ്മാവിൽ (അമിത ചൂടില്ലാത്ത മുറിയിൽ) സൂക്ഷിക്കാം. അധികമുള്ളവ ഫ്രിഡ്ജിൽ സൂക്ഷിക്കുക. കാലാവധി കഴിഞ്ഞ ഇൻസുലിൻ ഉപയോഗിക്കരുത്.