15 June 2025
NANDHA DAS
Image Courtesy: Freepik
മഴക്കാലത്ത് പ്രതിരോധശേഷി വർധിപ്പിക്കേണ്ടത് അനിവാര്യമാണ്. കാരണം, ഈ സമയത്ത് രോഗങ്ങൾ പിടിപെടാനുള്ള സാധ്യത കൂടുതലാണ്.
അതിനാൽ, മഴക്കാലത്ത് രോഗപ്രതിരോധശേഷി വർധിപ്പിക്കാനായി ഡയറ്റിൽ ഉൾപ്പെടുത്തേണ്ട ചില ഭക്ഷണങ്ങൾ പരിചയപ്പെടാം.
വിറ്റാമിൻ ഇ, ബി 2, ഇരുമ്പ്, മഗ്നീഷ്യം തുടങ്ങിയവ അടങ്ങിയ ബദാം ഡയറ്റിൽ ഉൾപ്പെടുത്തുന്നത് രോഗപ്രതിരോധശേഷി വർധിപ്പിക്കാൻ സഹായിക്കും.
ഓറഞ്ച്, നാരങ്ങ പോലുള്ള വിറ്റാമിൻ സി ധാരാളം അടങ്ങി സിട്രസ് പഴങ്ങൾ മഴക്കാലത്ത് കഴിക്കുന്നത് ആരോഗ്യത്തിന് വളരെ നല്ലതാണ്.
പ്രോബയോട്ടിക് ഭക്ഷണമായ തൈര് രോഗപ്രതിരോധ ശേഷി വർധിപ്പിക്കാനും കുടലിന്റെ ആരോഗ്യം സംരക്ഷിക്കാനും സഹായിക്കുന്നു.
ആൻറി ബാക്ടീരിയൽ, ആൻറിവൈറൽ ഗുണങ്ങളുള്ള വെളുത്തുള്ളി ജലദോഷത്തെയും പനിയെയും ചെറുക്കാൻ ശരീരത്തെ സഹായിക്കും.
ആന്റിഓക്സിഡന്റുകളാൽ സമ്പന്നമായ സ്ട്രോബെറി, ബ്ലൂബെറി, റാസ്ബെറി തുടങ്ങിയ ബെറി പഴങ്ങൾ മഴക്കാല രോഗങ്ങളെ ചെറുക്കൻ സഹായിക്കും.
ഇരുമ്പ്, കാൽസ്യം, നാരുകൾ, വിറ്റാമിനുകൾ എന്നിവ അടങ്ങിയ ചീര പോലുള്ള ഇലക്കറികൾ രോഗപ്രതിരോധ സംവിധാനത്തെ ശക്തിപ്പെടുത്തുന്നു.