മനസിനും ശരീരത്തിനും ഒരുപോലെ നല്ലത്, യോ​ഗ ചെയ്യാൻ മടി വേണ്ട 

ശാരീരീകവും മാനസികവുമായ ആരോ​ഗ്യത്തിന് യോ​ഗ പതിവായി ചെയ്യുന്നത് ഏറെ സഹായിക്കും. യോ​ഗ ചെയ്യുന്നതിലൂടെ ലഭിക്കുന്ന ​ഗുണങ്ങൾ അറിയാം.

ശരീരം വഴക്കമുള്ളതാക്കാനും ബലവും വർധിപ്പിക്കാനും യോ​ഗ സഹായിക്കുന്നു. തുടക്കത്തിൽ സാധിച്ചില്ലെങ്കിലും ക്രമേണ ശരീരത്തിന്റെ വഴക്കം മെച്ചപ്പെടും.

കൊളസ്‌ട്രോൾ, ഉയർന്ന രക്തസമ്മർദ്ദം, അമിത ഭാരം എന്നിവയൊക്കെ നിയന്ത്രണത്തിലാക്കാനും പതിവായുള്ള യോഗ സഹായിക്കും.

കൂടാതെ, ശ്രദ്ധ കേന്ദ്രീകരിക്കാനും ഓർമ്മ ശക്തി മെച്ചപ്പെടുത്താനുമെല്ലാം യോഗ പതിവായി ചെയ്യുന്നതിലൂടെ സാധിക്കുന്നതാണ്.

ഉറക്കക്കുറവ് അകറ്റാനും യോ​ഗ ​ഗുണകരമാണ്. നന്നായി ഉറങ്ങാൻ മനസിനെ പാകപ്പെടുത്തുന്നതിനും വേഗത്തിൽ ഉറങ്ങുന്നതിനും സഹായിക്കുന്നു.