5 March 2026
Aswathy Balachandran
Image Courtesy: Getty
കണിവെള്ളരി മൂപ്പെത്തുമ്പോൾ ആകർഷകമായ സ്വർണ്ണ മഞ്ഞ നിറമായിരിക്കും. എന്നാൽ സാധാരണ വെള്ളരി പച്ചയോ, വെളുപ്പോ ആയിരിക്കും.
കണിവെള്ളരി പൊതുവെ ഉരുണ്ടതോ അല്ലെങ്കിൽ ഓവൽ ആകൃതിയിലോ ആണ് കാണപ്പെടുന്നത്. സാധാരണ വെള്ളരി മിക്കവാറും നീളമുള്ളവയാണ്.
കണിവെള്ളരി കേരളീയരുടെ വിഷുക്കണിയിൽ ഒഴിച്ചുകൂടാനാവാത്ത ഒന്നാണ്. സാധാരണ വെള്ളരി കണി വെക്കാൻ പൊതുവെ ഉപയോഗിക്കാറില്ല.
കണിവെള്ളരിക്ക് തൊലി കട്ടിയുള്ളതുകൊണ്ട് മാസങ്ങളോളം കേടുകൂടാതെ ഇരിക്കാനുള്ള ശേഷിയുണ്ട്. സാധാരണ വെള്ളരി ഇത്രയധികം കാലം വെക്കാൻ കഴിയില്ല.
വിത്ത് പാകി ഏകദേശം 70-80 ദിവസത്തിനുള്ളിലാണ് കണിവെള്ളരി വിളവെടുക്കുന്നത്. സാധാരണ വെള്ളരിയുടെ ഇനങ്ങൾ 45-60 ദിവസത്തിനകം വിളവെടുക്കാൻ പാകമാകാറുണ്ട്.
കണിവെള്ളരിയുടെ ഉൾഭാഗം നല്ല കട്ടിയുള്ളതാണ്, അതിനാൽ സാമ്പാർ, പുളിശ്ശേരി തുടങ്ങിയ കറികൾക്ക് ഇത് കൂടുതൽ രുചി നൽകുന്നു. സാധാരണ വെള്ളരി ഓലൻ, സാലഡ് എന്നിവയ്ക്കാണ്അനുയോജ്യം.
കണിവെള്ളരിക്ക് വിഷുക്കാലത്ത് വിപണിയിൽ വലിയ ഡിമാൻഡും വിലയും ലഭിക്കാറുണ്ട്. സാധാരണ വെള്ളരിക്ക് വർഷം മുഴുവൻ ഒരേപോലെയുള്ള വിപണിയാണ് ഉള്ളത്.
കണിവെള്ളരിയുടെ വിത്തുകൾക്ക് സാധാരണ വെള്ളരിയേക്കാൾ വലിപ്പവും കട്ടിയും കൂടുതലായി കണ്ടുവരാറുണ്ട്.