പച്ചമുളക് വാടിപ്പോകുന്നോ? ഈ വിദ്യകൾ പരീക്ഷിക്കൂ

 പച്ചമുളക് വാങ്ങി കഴിഞ്ഞാൽ ഉടൻ തന്നെ അതിന്റെ ഞെട്ട് നീക്കം ചെയ്യുക. ഞെട്ടിലൂടെയാണ് പച്ചമുളക് വേഗത്തിൽ അഴുകാൻ തുടങ്ങുന്നത്.

പച്ചമുളക് നന്നായി കഴുകിയ ശേഷം ഒരു കോട്ടൺ തുണിയോ ടിഷ്യൂ പേപ്പറോ ഉപയോഗിച്ച് ഒട്ടും ഈർപ്പമില്ലാത്ത രീതിയിൽ തുടച്ച് ഉണക്കണം.

കേടായതോ പഴുത്തതോ ആയ മുളകുകൾ ഉണ്ടെങ്കിൽ അവ ബാക്കിയുള്ളവയിൽ നിന്ന് മാറ്റി വെക്കുക. ഒന്ന് കേടായാൽ മറ്റുള്ളവയും വേഗത്തിൽ നശിക്കും.

പാത്രത്തിലോ സിപ്പ് ലോക്ക് ബാഗിലോ മുളക് വെക്കുന്നതിന് മുൻപ് അടിയിൽ ഒരു ടിഷ്യൂ പേപ്പർ വിരിക്കുന്നത് ഈർപ്പം വലിച്ചെടുക്കാൻ സഹായിക്കും.

പച്ചമുളക് ഒരിക്കലും നേരിട്ട് വെയിൽ ഏൽക്കുന്ന സ്ഥലത്തോ അടുപ്പിന് അടുത്തോ വെക്കരുത്. ഇത് മുളക് വേഗത്തിൽ വാടിപ്പോകാൻ കാരണമാകും.