24 APRIL 2026
Aswathy Balachandran
Image Courtesy: Getty Images
സുഗന്ധവ്യഞ്ജനങ്ങളുടെ ഗുണമേന്മയും രുചിയും ദീർഘകാലം നിലനിർത്തുന്നതിനായി ശ്രദ്ധിക്കേണ്ട ചില പ്രധാന കാര്യങ്ങൾ ഉണ്ട്
സുഗന്ധവ്യഞ്ജനങ്ങൾ ഈർപ്പം വലിച്ചെടുക്കാൻ സാധ്യതയുള്ളതിനാൽ, വായു കടക്കാത്ത അടപ്പുകളുള്ള ജാറുകളിലോ പാത്രങ്ങളിലോ മാത്രം ഇവ സൂക്ഷിക്കുക.
അടുപ്പ്, ഓവൻ തുടങ്ങിയ ചൂടുള്ള ഉപകരണങ്ങളിൽ നിന്നും മസാലകൾ അകറ്റി വെക്കണം. ചൂടേൽക്കുന്നത് സുഗന്ധവ്യഞ്ജനങ്ങളുടെ സ്വാഭാവിക രുചിയും നിറവും നഷ്ടപ്പെടാൻ കാരണമാകും.
നേരിട്ട് സൂര്യപ്രകാശം ഏൽക്കുന്ന സ്ഥലങ്ങളിൽ മസാലപ്പൊടികൾ സൂക്ഷിക്കരുത്. ഇരുണ്ടതും തണുപ്പുള്ളതുമായ ഇടങ്ങളിൽ പ്രത്യേക റാക്കുകൾ സജ്ജീകരിക്കുന്നത് ഉചിതമാണ്.
സിങ്കിന് സമീപമോ വെള്ളം തെറിക്കാൻ സാധ്യതയുള്ള ഇടങ്ങളിലോ പാത്രങ്ങൾ വെക്കരുത്. വായുവിലെ ഈർപ്പം മസാലകൾ കട്ടപിടിക്കാനും ഗുണനിലവാരം കുറയാനും ഇടയാക്കും.
ഓരോ തവണ ഉപയോഗിച്ച ശേഷവും പാത്രത്തിന്റെ അടപ്പ് കൃത്യമായി മുറുക്കി അടച്ചിട്ടുണ്ടെന്ന് ഉറപ്പുവരുത്തുക. ഇത് വായുസമ്പർക്കം കുറയ്ക്കാൻ സഹായിക്കും.
പൊടികളേക്കാൾ കൂടുതൽ കാലം കേടുകൂടാതെയിരിക്കുന്നത് മുഴുവനായുള്ള സുഗന്ധവ്യഞ്ജനങ്ങളാണ്. ഇവയ്ക്ക് ഷെൽഫ് ലൈഫ് കൂടുതലായിരിക്കും
മസാലകൾ എടുക്കാൻ നനവില്ലാത്ത ഉണങ്ങിയ സ്പൂണുകൾ മാത്രം ഉപയോഗിക്കുന്നത് പൂപ്പൽ ബാധയും കട്ടപിടിക്കലും ഒഴിവാക്കാൻ സഹായിക്കും.