ബീഫ് പെട്ടെന്ന് വേകാൻ  ഒരു കഷണം  ചിരട്ട മതി! പരീക്ഷിച്ച് നോക്കൂ

ബീഫ് കറി, ബീഫ് റോസ്റ്റാണേലും, ബീഫ് ഇട്ട കപ്പബിരിയാണി ഇതൊക്കെ ആർക്കാണ് ഇഷ്ടമില്ലാത്തത്. എങ്ങനെ പാചകം ചെയ്താലും വളരെ രുചികരമായ ഒന്നാണ് ബീഫ്.

ചിരട്ടയുടെ പുറത്തെ നാരുകളെല്ലാം കളഞ്ഞ് വൃത്തിയാക്കുക. ഒരു ചെറിയ കഷണം മാത്രം മതി. ഇത് വെള്ളത്തിലിട്ട് തിളപ്പിച്ച് അഴുക്കുകൾ മുഴുവനും കളയുക.

ബീഫ് കഷ്ണങ്ങളും മസാലകളും വെള്ളവും കുക്കറിൽ എടുത്ത ശേഷം, വൃത്തിയാക്കിയ ഈ ചിരട്ട കഷണം അതിലേക്ക് ഇടുക. ഇനി കുക്കർ അടച്ച് വേവിക്കാം.

ചിരട്ടയിലെ ഘടകങ്ങൾ ഇറച്ചിയിലെ നാരുകളെ വേഗത്തിൽ വിഘടിപ്പിക്കുന്നു. ഇത് ഇറച്ചിയുടെ രുചി മാറ്റാതെ തന്നെ അതിനെ നന്നായി വേവിച്ച് എടുക്കും.

ഇങ്ങനെ ചെയ്താൽ സാധാരണ എടുക്കുന്ന പകുതി സമയം കൊണ്ട് ബീഫ് വെന്തു കിട്ടും. ഇത് നിങ്ങളുടെ സമയവും ഒപ്പം ​ഗ്യാസും ലാഭിക്കാൻ സഹായിക്കും.