ഹോട്ടലിലെപ്പോലെ സോഫ്റ്റ് അപ്പം;  മാവ് അരയ്ക്കുമ്പോൾ ഇതൊന്ന് ചേർക്കൂ

സാധാരണ വീടുകളിൽ തയ്യാറാക്കുന്ന അപ്പം കട്ടിയായി പോകുന്നു എന്നാണ് വീട്ടമ്മമാരുടെ പരാതി. ഇനി മുതൽ ഹോട്ടലിൽ കിട്ടുന്ന പോലെയുള്ള അപ്പം തയ്യാറാക്കിയാലോ.

പച്ചരി – 2 കപ്പ്, തേങ്ങ ചിരകിയത് – 1 കപ്പ്, ഈസ്റ്റ് – 1/2 ടീസ്പൂൺ, പഞ്ചസാര – 1 ടേബിൾ സ്പൂൺ, ഉപ്പ് – ആവശ്യത്തിന്,  നന്നായി വെന്ത ചോറ് – 1/2 കപ്പ് .

പച്ചരി നന്നായി കഴുകി വൃത്തിയാക്കിയ ശേഷം കുറഞ്ഞത് 4, 5 മണിക്കൂർ വരെ വെള്ളത്തിൽ കുതിർക്കുക. ശേഷം മാത്രമെ അരയ്ക്കാൻ എടുക്കാവൂ.

കുതിർത്ത പച്ചരി, ചിരകിയ തേങ്ങ, പഞ്ചസാര, ഈസ്റ്റ് എന്നിവയ്ക്കൊപ്പം നല്ല സോഫ്റ്റ് ആയ ചോറ് (1/2 കപ്പ്) കൂടി ചേർക്കുക. ചോറാണ് അപ്പത്തിന് സോഫ്റ്റ്‌നസ് നൽകുന്നത്.

ആവശ്യത്തിന് വെള്ളം ഒഴിച്ച് മാവ് ഒട്ടും തരിയില്ലാതെ നല്ല വെണ്ണപോലെ അരച്ചെടുക്കുക. ശേഷം ഇത് 6-8 മണിക്കൂർ അല്ലെങ്കിൽ ഒരു രാത്രി മുഴുവൻ പുളിക്കാൻ വെക്കുക.

രാവിലെ ആവശ്യത്തിന് ഉപ്പും ചേർത്ത് മാവ് നന്നായി ഇളക്കുക. അപ്പച്ചട്ടി ചൂടാക്കി ഒരു തവി മാവൊഴിച്ച് വശങ്ങളിലേക്ക് ചുറ്റിച്ച് മൂടിവെച്ച് വേവിക്കുക. അപ്പം റെഡി!